Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

მეორე ტალღის საფრთხე: უჰანში COVID-19-ზე მთელი მოსახლეობის სკრინინგი იწყება

© photo : Ia Chkhaidze / FBსკრინინგი კორონავირუსზე
სკრინინგი კორონავირუსზე - Sputnik საქართველო
გამოწერა
უჰანის COVID-19-თან ბრძოლის ოპერატიულმა შტაბმა უკვე დაუგზავნა შეტყობინებები შექმნილი ვითარების შესახებ ქალაქის ყველა რაიონის ოპერატიულ შტაბებს.

თბილისი, 12 მაისი — Sputnik. ჩინეთის ქალაქ უჰანის (ჰუბეის პროვინცია) ოპერატიულმა შტაბმა გასცა განკარგულება, ჩატარდეს მთელი მოსახლეობის სკრინინგი COVID-19-ზე, ვინაიდან ქალაქში ინფიცირების ახალი შემთხვევები დაფიქსირდა, წერს გაზეთი „პენპაი“. 

კორონავირუსი უჰანში - Sputnik საქართველო
ერთთვიანი ინტერვალი: უჰანში COVID-19-ით დაავადებულთა რაოდენობა ისევ იზრდება

აღსანიშნავია, რომ უჰანში 9 მაისს, პირველად 4 აპრილის შემდეგ, კორონავირუსით ინფიცირების ახალი შემთხვევები და ასევე უსიმპტომო ვირუს-მატარებლები გამოვლინდა. ამასთან ყველა შემთხვევა ლოკალურია.

აქედან გამომდინარე, ხელისუფლების გადაწყვეტილებით, ეპიდემიოლოგიური საფრთხის დონე დაბალიდან საშუალომდე გაიზარდა.

გამოცემის ინფორმაციით, უჰანის COVID-19-თან ბრძოლის ოპერატიულმა შტაბმა უკვე დაუგზავნა შეტყობინებები შექმნილი ვითარების შესახებ ქალაქის ყველა რაიონის ოპერატიულ შტაბებს.

„მიღებულია გადაწყვეტილება, რომ ჩატარდეს უჰანის მთელი მოსახლეობის სკრინინგი ვირუსულ ნუკლეინმჟავაზე“, — ნათქვამია შეტყობინებაში. 

ამასთან აღინიშნება, რომ საყოველთაო სკრინინგის პროცედურა აუცილებლად ათ დღეში უნდა დასრულდეს. 

ჩინეთის ხელისუფლებამ 8 აპრილს სრულად მოუხსნა სატრანსპორტო შეზღუდვები უჰანს და მის 11-მილიონიან მოსახლეობას, რომელიც 76 დღის განმავლობაში მოწყვეტილი იყო გარე სამყაროს, მათ ქალაქიდან გასვლის ნებართვა მისცა.

ჯონს ჰოპკინსის უნივერსიტეტის სპეციალური პროექტის მონაცემებით, ვირუსის აფეთქების მომენტიდან დღემდე, მსოფლიოს მასშტაბით კორონავირუსით ინფიცირებუთა რაოდენობამ 4 177 584 ადამიანს მიაღწია. აქედან გარდაიცვალა 286 330 და განიკურნა 1 456 235 კაცი.

ყველა ახალი ამბავი
0