მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

„თუ COVID-19-მა მომკლა...“ – ექიმის მიმართვა პატარა შვილებისადმი

© REUTERS / Vincent Thianექიმი ეკიპირებაში
ექიმი ეკიპირებაში - Sputnik საქართველო
გამოწერა
​ექიმი წერს, რომ მისი შვილები ძალიან პატარები არიან იმისთვის, რომ მიმართვა წაიკითხონ და თანაც, ალბათ, ვერც იცნობენ დამცავ ეკიპირებაში.

თბილისი, 30 მარტი — Sputnik. ნიუ-იორკელმა ექიმმა კორნელია გრიგსმა თავის პატარა შვილებს მოკლედ მიმართა საკუთარი Twitter–აკაუნტიდან იმ შემთხვევისთვის, თუ COVID-19-სგან მოკვდება.

​ექიმი წერს, რომ მისი შვილები ძალიან პატარები არიან იმისთვის, რომ მიმართვა წაიკითხონ და თანაც, ალბათ, ვერც იცნობენ დამცავ ეკიპირებაში.

„მაგრამ თუ შვილებმა COVID-19-ის გამო დამკარგეს, მინდა იცოდნენ, რომ მათი დედა თავისი საქმის გაკეთებას ცდილობდა“, — დაწერა კორნელიამ.

ჩანაწერის ბოლოს დასმულია ჰეშთეგი #GetMePPE — ასე ნიშნავენ ამერიკელი ექიმები თემებს, რომლებშიც ინფიცირებისგან დამცავი სპეციალური სამოსის ნაკლებობაზეა საუბარი.

გრიგსის ტვიტი ძალიან მალე გახდა პოპულარული. იუზერები კომენტარებში მადლობას უხდიან ექიმებს გაწეული სამსახურისთვის და ამხნევებენ მათ.

ამ დროისათვის შეერთებულ შტატებში, ჯონს ჰოპკინსის უნივერსიტეტის სპეციალური პროექტის მონაცემებით, 143 532 ადამიანია ინფიცირებული. აქედან გარდაიცვალა 2 572 და განიკურნა 4 865 პაციენტი.

ყველა ახალი ამბავი
0