17:26 06 ივნისი 2020
პირდაპირი ეთერი
  • EUR3.3476
  • 100 RUB4.2963
  • USD2.9562
მსოფლიოში
მოკლე ბმულის მიღება
COVID-19-ის პანდემია მსოფლიოში (895)
2369310

ცნობილმა იაპონელმა ინფექციონისტმა და ეპიდემიოლოგმა განმარტა, რატომ არ აქვს მნიშვნელობა პანდემიის დროს ერთად შეკრებილი ადამიანების რაოდენობას და რა არის ამ დროს უფრო მნიშვნელოვანი.

თბილისი, 18 მარტი — Sputnik. ახალი ტიპის კორონავირუსთან ბრძოლის მიზნით ხალხმრავალი ღონისძიებების აკრძალვაზე უფრო მეტად მნიშვნელოვანი ადამიანებს შორის მანძილის დაცვაა, განაცხადა სააგენტო РИА Новости-სთან ინტერვიუში ცნობილმა იაპონელმა ინფექციონისტმა და ეპიდემიოლოგმა აკიჰირო სატომ.

შუაღამიდან დილამდე: რა მოხდა მსოფლიოში COVID 19-ის პანდემიის გამო - 17-18 მარტი>>

სააგენტოს ცნობით, სწორედ მან მოამზადა 2018 წელს სპეციალური სახელმძღვანელო, რომელშიც აღწერილია ინფექციების გავრცელების აღსაკვეთად აუცილებელი ყველა ზომა.

„მნიშვნელობა აქვს არა იმდენად რაოდენობას, რამდენადაც შეკრებილებს შორის მანძილს და ასევე იმას, თუ სად იმართება ღონისძიება. ქუჩაში რისკი შედარებით დაბალია“, — განაცხადა სატომ.

მისი თქმით, ღია სივრცეში რამდენიმე ათეული ათასი ადამიანის შეკრებაც კი, თუ მათ შორის დაცული იქნება დისტანცია 1,5-დან 2 მეტრამდე და ამასთან ისინი ერთმანეთში არ ისაუბრებენ, ბევრად უფრო უსაფრთხოა, ვიდრე რამდენიმე ადამიანის შეკრება დახურულ ოთახში, სადაც მათ შორის მანძილი 30 სმ – 1 მ იქნება და თანაც ერთმანეთთან ილაპარაკებენ. 

„აი, ესაა დაუშვებელი!“ — განაცხადა იაპონელმა ინფექციონისტმა. 

ჯონ ჰოპკინსის უნივერსიტეტის სპეციალური პროექტის მონაცემებით, ახალი ტიპის კორონავირუსი COVID-19-ით ინფიცირებულთა რაოდენობამ მსოფლიოს მასშტაბით 198 004 კაცს მიაღწია, აქედან გარდაცვლილია 7 948 და განკურნებულია 81 950 ადამიანი. 

ინფიცირებულღა რაოდენობით პირველ პოზიციაზე კვლავ ჩინეთია (81 074 კაცი), სადაც ამ დროისთვის ეპიდემიის პიკი უკვე გადავლილია და დღე–ღამის განმავლობაში ახალი დასნებოვნების მხოლოდ რამდენიმე შემთხვევაღა ფიქსირდება.

სხვა ქვეყნების ჩამონათვალი, რომლებშიც ახალი ტიპის კორონავირუსით დაავადებულთა რიცხვმა ათასს გადააჭარბა, ასეთია: იტალია – 31 506, ირანი — 16 169, ესპანეთი — 11 826, გერმანია — 9 360, სამხრეთ კორეა — 8 413, საფრანგეთი — 7 695, აშშ — 6 362, შვეიცარია — 2 700, დიდი ბრიტანეთი — 1 960, ნიდერლანდები — 1 710, ნორვეგია — 1 471, ავსტრია — 1 332, ბელგია — 1 243, შვედეთი — 1 196, დანია — 1 024 ადამიანი.

თემები:
COVID-19-ის პანდემია მსოფლიოში (895)

მთავარი თემები