თბილისი, 11 მარტი — Sputnik. მსოფლიო ფასები ნავთობზე აღდგენას განაგრძობს მას შემდეგ, რაც ორშაბათს ვარდნა განიცადა. WTI–ს მარკის ნავთობის ფასი ამ დროისათვის 3%-ითაა მომატებული, რაზეც ვაჭრობის შედეგები მეტყველებს.
დილის 04:39 საათისთვის (თბილისის დრო) მაისის ფიუჩერსების ღირებულება Brent–ის მარკის ნავთობშენაერთზე 1,61%-ით იზრდებოდა და 38,55 დოლარი შეადგინა ერთ ბარელზე. ხოლო აპრილის ფიუჩერსები WTI–ის მარკის ნავთობზე 2,65%-ით იმატებდა და 35,27 დოლარს უტოლდებოდა ერთ ბარელზე.
ორშაბათს ნავთობზე ფასები 30%-ით ჩამოიშალა მას შემდეგ, რაც OPEC+ წევრი ქვეყნების შეთანხმება არ შედგა. Brent –ის მარკის ნავთობის ღირებულება 2016 წლის იანვრის მინიმუმს გაუტოლდა, რაც პირველად მოხდა 1991 წლის შემდეგ.
ფიუჩერსი — ვადიანი საბირჟო კონტრაქტია, რომლის ერთი მხარე იღებს ვალდებულებას შეისყიდოს, ხოლო მეორე – გაყიდოს საბაზისო აქტივების განსაზღვრული რაოდენობა დადგენილ ვადაში, ფიქსირებულ ფასად.