თბილისი, 18 თებერვალი — Sputnik. იტალიელმა არქეოლოგებმა კოლიზეუმის ტერიტორიაზე მიწისქვეშა ტაძარი ამოაჩინეს — საკურთხევლითა და 1,40 მ სარკოფაგით, იუწყება ancient-origins-ი.
Experts May Have Identified the Long Lost Tomb of Romulus, Founder of Rome https://t.co/EVmskaFBAB pic.twitter.com/YcAM6iP5z1
— Cult of Amon Ra (@Cultofamonra) February 16, 2019
მეცნიერები არ გამორიცხავენ, რომ ეს რომის დამაარსებლისა და სავარაუდოდ მისი პირველი მეფის, რომულუსის სამარხი იყოს.
რომულუსისა და მისი ძმის, რემუსის ბიოგრაფიები არაერთ „ფანტასტიკურ“ დეტალებს შეიცავს: მითების თანახმად, ტყუპი ძმები ომის ღმერთის, მარსის შვილები იყვნენ. ისინი ტყეში მიტოვებული იპოვა ძუ მგელმა, რომელმაც ბავშვები გამოკვება და გაზარდა.
აღსანიშნავია, რომ მოსაზრებას რომულუსისა და რემუსის რეალური არსებობის შესახებ ყველა მეცნიერი არ იზიარებს. ამიტომ ძმათაგან ერთ-ერთის სამარხის ძებნა იმთავითვე უაზროდ მიაჩნდათ.
მიუხედავად ამისა, სპეციალისტების ვარაუდით, აღმოჩენის მიხედვით შესაძლებელია ორი ვერსიის დაშვება. პირველი და ნაკლებად „თამამი“ ვერსიით, სამარხი რომულის კულტის ადრეული პერიოდის ნაკვალევია, ხოლო მეორე ვერსიით, აქ ნამდვილად რომის პირველი მეფის სამარხია.
თუმცა, ancient-origins.net-ის ცნობით, სარკოფაგში არანაირი ნეშტი არ არის აღმოჩენილი.
გავრცელებული ინფორმაციით, სარკოფაგის ჩვენება და დამატებითი დეტალების გამოცხადება მიმდინარე კვირაში იგეგმება.
