მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ინფორმირებული წყარო: ევროკავშირის საბჭომ მოიწონა შეთანხმება Brexit-ის პირობებზე

© photo: Sputnik / Alexey Vitvitsky / გადასვლა მედიაბანკშიევროკავშირის დროშები
ევროკავშირის დროშები  - Sputnik საქართველო
გამოწერა
ქვეყანამ ევროკავშირი, გრინვიჩის დროით,  31 იანვრის 23 საათზე უნდა დატოვოს, თუმცა მიმდინარე წლის ბოლომდე დიდ ბრიტანეთსა და ევროკავშირს შორის ურთიერთობებში არსობრივად არაფერი შეიცვლება

თბილისი, 30 იანვარი — Sputnik. ევროკავშირის ქვეყნების საბჭომ საბოლოოდ მოიწონა ევროკავშირიდან ბრიტანეთის გასვლის პირობების შესახებ შეთანხმება, იუწყება РИА Новости ინფორმირებულ წყაროზე დაყრდნობით. 

Brexit-ის საწინააღმდეგო აქცია ლონდონში - Sputnik საქართველო
ევროკავშირის საბჭომ ხელი მოაწერა Brexit-ს: ჯერი ევროპარლამენტის რატიფიკაციაზეა

აღსანიშნავია, რომ გუშინ ევროპარლამენტმა პლენარულ სესიაზე მიიღო ბრიტანეთთან ეს შეთანხმება.

ქვეყანამ ევროკავშირი, გრინვიჩის დროით,  31 იანვრის 23 საათზე უნდა დატოვოს (თბილისის დროით, 1 თებერვლის 03:00 საათი). თუმცა მიმდინარე წლის ბოლომდე დიდ ბრიტანეთსა და ევროკავშირს შორის ურთიერთობებში არსობრივად არაფერი შეიცვლება: იქნება გარდამავალი პერიოდი, რომლის განმავლობაშიც მხარეები მოლაპარაკებებს გამართავენ შემდგომ ურთიერთობებზე. 

შეგახსენებთ: Brexit-ის შესახებ დოკუმენტს დედოფალმა ელისაბედმა 23 იანვარს მოაწერა ხელი. მანამდე ბრიტანეთის პარლამენტმა მოიწონა კანონპროექტი ქვეყნის ევროკავშირის შემადგენლობიდან გასვლის პირობების შესახებ. 

თავდაპირველი გეგმით, Brexit-ი 2019 წლის 29 მარტს უნდა განხორციელებულიყო, მაგრამ პარლამენტმა რამდენჯერმე უარყო ქვეყნის მაშინდელი პრემიერ-მინისტრის ტერეზა მეის წინადადება ბრიუსელთან პირობების შეთანხმების თაობაზე. შედეგად, ლონდონმა ჯერ 12 აპრილამდე გადადო ევროკავშირიდან გასვლა, შემდეგ 31 ოქტომბრამდე, ბოლოს კი 2020 წლის იანვრის ბოლომდე.

ყველა ახალი ამბავი
0