00:14 07 ივნისი 2020
პირდაპირი ეთერი
  • EUR3.3476
  • 100 RUB4.2963
  • USD2.9562
მსოფლიოში
მოკლე ბმულის მიღება
მსოფლიო დღეს (1694)
42 0 0

Instagram-ი ასევე მუშაობს ფუნქცია Restrict-ზე, რომელიც მომხმარებლებს საშუალებას აძლევს, დაიცვან საკუთარი აკაუნტები არასასურველი ურთიერთობებისგან.

თბილისი, 9 ივლისი – Sputnik. სოციალური ქსელი Instagram-ი ახალ ფუნქციებს ამატებს, რომლებიც იუზერების შეურაცხყოფისა და დევნის წინააღმდეგ იქნება მიმართული, ნათქვამია კომპანიის განცხადებაში

კომპანიამ ერთ-ერთი ფუნქციის გამოცდა რამდენიმე დღის წინ დაიწყო, რომელიც ხელოვნური ინტელექტის მეშვეობით ააანალიზებს მომხმარებელთა კომენტარებს. თუ რომელიმე იუზერის მინაწერი შეურაცხმყოფელად ჩაითვლება, მას გაეგზავნება გაფრთხილება და მიეცემა შესაძლებლობა, წაშალოს კომენტარი.

„ამ ფუნქციის ტესტირების პროცესში გამოვლინდა, რომ ზოგ ადამიანს ის ბიძგს აძლევს, წაშალოს თავისი მინაწერი და დაწეროს რაღაც ნაკლებად საწყენი“, – ნათქვამია განცხადებაში.

ამასთან, Instagram-ი ასევე მუშაობს ფუნქცია Restrict-ზე, რომელიც მომხმარებლებს საშუალებას აძლევს, დაიცვან საკუთარი აკაუნტები არასასურველი ურთიერთობებისგან.

„როგორც ჩვენმა მომხმარებლებმა გვაცნობეს, მათ ეშინიათ იმ შეურაცხმყოფელთა დაბლოკვა, ხელმოწერის გაუქმება თუ კომპანიის შესაბამისი სამსახურისთვის შეტყობინება, რომლებთანაც რეალურ ცხოვრებაში აქვთ ურთიერთობა, ვინაიდან ეს კიდევ მეტად გაამწვავებს ვითარებას“, – განმარტავენ კომპანიაში.

ახალი ფუნქცია კი შეურაცხმყოფელი კომენტარის გამოჩენას შეზღუდავს და მას მხოლოდ ავტორი დაინახავს. ამგვარად დაბლოკილი იუზერი ვეღარ მიადევნებს თვალს მის მიერ შეურაცხყოფილი მომხმარებლის აქტივობას და ვერც იმას გაიგებს, წაიკითხა თუ არა მისგან გაგზავნილი პირადი შეტყობინებები ადრესატმა.

თემები:
მსოფლიო დღეს (1694)

მთავარი თემები