თბილისი, 13 სექტემბერი — Sputnik. უკრაინის შინაგან საქმეთა სამინისტრომ კიევის ყოფილ მერზე ლეონიდ ჩერნოვეცკიზე ძებნა გამოაცხადა, რომელიც ამ დროისთვის ქობულეთში ცხოვრობს, ნათქვამია უწყების ვებ-გვერდზე გავრცელებულ განცხადებაში.
იმ პირების ჩამონათვალში, რომლებიც ხელისუფლების ორგანოებს ემალებიან, უკრაინის შსს-ს ვებ-გვერდზე აღნიშნულია, რომ ჩერნოვეცკი მიმდინარე წლის 24 ივლისს გაუჩინარდა. 26 ივლისს კი უკრაინის სასამართლომ ქვეყნის გენერალური პროკურატურის გამომძიებლებისთვის ჩერნოვეცკის დაკავების ნებართვა გასცა.
ექს-მერს კიევში ვერტმფრენის მოედნის უკანონო მშენებლობას ედავებიან.
ლეონიდ ჩერნოვეცკი ქობულეთში ოჯახთან ერთად რამდენიმე წელია ცხოვრობს. საქართველოს გენერალურმა პროკურატურამ მანამდე განაცხადა, რომ უკრაინული მხარისგან ექს-მერის ექსტრადირების მოთხოვნის შემთხვევაში ის არ გადასცემს უკრაინას ჩერნოვეცკის, რადგან იგი საქართველოს მოქალაქეა.
