ძლიერი ნისლის გამო თბილისის აეროპორტში მუშაობა შეფერხებულია

© Sputnik / STRINGERთბილისის საერთაშორისო აეროპორტი
თბილისის საერთაშორისო აეროპორტი - Sputnik საქართველო
გამოწერა
აეროპორტის ინფორმაციით, გადაიდო ოთხი რეისი.

თბილისი, 7 დეკემბერი — Sputnik. თბილისის საერთაშორისო აეროპორტში რთული მეტეოროლოგიური პირობების გამო რამდენიმე რეისი გადაიდო, ზოგიერთი რეისი გაუქმდა, იუწყება პირველი არხი.

წვიმიანი ამინდი - Sputnik საქართველო
ამინდის პროგნოზი უქმეებზე: წვიმა კვირას გადაიღებს

ძლიერი ნისლის გამო თბილისის აეროპორტში დუბაის რეისი დაგვიანებით ჩამოფრინდა. გაუქმდა რეისები სტამბოლისა და აქთაუს მიმართულებით. აეროპორტის ინფორმაციით, გადაიდო ოთხი რეისი.

„ყატარის ავიახაზები“, რომელიც დოჰადან მოფრინავდა, სათადარიგოზე წავიდა ბაქოში. „უკრაინის ავიახაზები“ ქუთაისში გაფრინდა, „ეარ ასტანას“ რეისი ალმათი-თბილისი წავიდა აქთაუში და ეს ფრენა გაუქმდა. „აეროფლოტი“ – მოსკოვი-თბილისი დაჯდა მინვოდში“, – აცხადებენ აეროპორტში.

გაუქმებულია „თურქეთის ავიახაზების“ რეისი თბილისი-სტამბოლი. ის უნდა გაფრენილიყო ხუთი საათისკენ, მაგრამ უამინდობის გამო არ განხორციელდა. თვითმფრინავი დილას ცხრა საათზე ჩამოფრინდება, აცხადებენ აეროპორტში.

შეფერხებამ პრობლემები შეუქმნა როგორც თბილისში ჩამომსვლელ მგზავრებს, ისე გაფრენის მსურველებს.

ყველა ახალი ამბავი
0