13:55 25 ივლისი 2021
პირდაპირი ეთერი
  • EUR3.6481
  • 100 RUB4.2138
  • USD3.1000
ვიდეო

ქვების სეტყვა ჟურნალისტებისა და აქციის თავზე პარლამენტთან - ვიდეო

მოკლე ბმულის მიღება
100 0 0
© Sputnik / Alex Shlamov

აგრესიულად განწყობილმა ტრადიციული ფასეულობების დამცველებმა პარლამენტის შენობასთან პოლიციის კორდონებსა და ადგილზე მომუშავე ჟურნალისტებს ქვები დაუშინეს. რა ხდებოდა რუსთაველის გამზირზე - Sputnik-საქართველოს ვიდეოში იხილავთ

ამ დროისათვის პარლამენტის წინ ტერიტორია უკვე დაიკავეს ლგბტ თემის მოწინააღმდეგეებმა, რომლებიც თავს ტრადიციული ფასეულობების დამცველებს უწოდებენ - მათ ფლაგშტოკიდან ჩამოგლიჯეს ევროკავშირის დროშა და დაწვეს.

ამ მომენტისათვის შსს-მ მდუმარე აქციის მონაწილეების ევაკუაცია მოასწრო და ღია შეტაკება აღკვეთა.

პარლამენტის შენობასთან ახლა 2 ათასამდე ადამიანი იმყოფება. მათ ევროკავშირის დროშის ნაცვლად საქართველოს დროშა და ჯვარი აღმართეს.

პოლიციამ ჟურნალისტებს მიმართა თხოვნით, დაეტოვებინათ სპეცოპერაციის ტერიტორია. რუსთაველზე დარჩნენ მხოლოდ პოლიციის თანამშრომლები და კონტრ-აქციის მონაწილეები, რომლებიც დაშლაზე უარს ამბობენ.

წინასწარი მონაცემებით, პოლიციელებს შორის არიან დაშავებულები - მათ მოხვდათ ქვები და მეტალის ნატეხები.

ძალადობის მოწინააღმდეგეთა აქციის მონაწილეები პარლამენტის მიმდებარე ტერიტორიიდან უსაფრთხო ადგილზე მიკროავტობუსებით გადაიყვანეს.

მეტი ვიდეო

მთავარი თემები