ახალი ტურისტული მარშრუტი აჭარას გურიასთან დააკავშირებს

© Sputnik / Alexander Imedashviliმაღალმთიანი აჭარა
მაღალმთიანი აჭარა - Sputnik საქართველო
გამოწერა
ახალ მარშრუტზე ტურისტები დაათვალიერებენ სოფელ ღორჯომს, მის ლამაზ ხის ოდებს, ჩანჩქერებს და ხუთგუმბათოვან მეჩეთს, მთა ლეკნარს, საზაფხულო სადგომებს და კურორტ ბახმაროს

თბილისი, 15 ნოემბერი — Sputnik. „ღორჯომი-მთა ლეკნარი-კურორტი ბახმარო“ - ასე ეწოდება ახალ ტურისტულ მარშრუტს, რომელიც ხულო გურიის რეგიონს აკავშირებს, იუწყება ტელეკომპანია Imedi.

გრაკლიანის გორა - Sputnik საქართველო
ტურისტული მარშრუტების რიცხვი იზრდება: ახალი მიმართულებები შემეცნებით-გასართობ სივრცეში

აჭარის ტურიზმისა და კურორტების დეპარტამენტის ტურისტული პროდუქტების განვითარების სააგენტომ დაასრულა ახალი სალაშქრო-სათავგადასავლო ტურისტული მარშრუტის მარკირება, რომელიც სოფელ ღორჯომში იწყება და ლეკნარის მთის გავლით კურორტ ბახმაროში სრულდება.

სოფელი ღორჯომი გამოირჩევა მაღალმთიანი აჭარისთვის დამახასიათებელი არქიტექტურით, სადაც ავთენტურადაა შემონახული აჭარული ყოფა და ტრადიციები. სოფელში დღემდე მრავლადაა შემორჩენილი ძველი წესით ნაშენები ხის ოდები. გამორჩეულია სოფლის ცენტრში მოქმედი ხის, ხუთგუმბათოვანი მეჩეთი და დავლაძეების უბნის კასკადოვანი ჩანჩქერები. გარდა ამისა, ეს ერთ-ერთი ხეობაა აჭარაში, სადაც დიდი რაოდენობით ჰყავთ ცხენები, რაც დიდ მიმზიდველობას წარმოადგენს სათავგადასავლო ტურიზმის მოყვარულთათვის.

მიმდინარე წელს ტურისტული პროდუქტების განვითარების სააგენტომ ღორჯომი-ბახმაროს ტურისტულ მარშრუტთან ერთად კიდევ ერთი ახალი გარდამავალი ტურისტული ბილიკის მარკირება განახორციელა.

გარდამავალი მარშრუტი კინტრიშის ეროვნულ პარკს ჯვარიმინდორთან, ჭვანის ხეობასთან და გომის მთასთან აკავშირებს. მარშრუტი შუახევის და ქობულეთის მუნიციპალიტეტებში, ალპური ზონის ტურისტული ბილიკის გავლით 3-4 დღიან სალაშქრო, მრავალფეროვან ტურისტულ მარშრუტს ქმნის.

ყველა ახალი ამბავი
0