საქართველოში პირველად სამედიცინო ტურიზმში მასტერ-კლასი ჩატარდა

© photo: Sputnik / Alexander Imedashviliბორჯომი
ბორჯომი - Sputnik საქართველო
გამოწერა
საქართველო სერიოზულად შეუდგა სამედიცინო ტურიზმის განვითარებას და ამ მიზნით აქტიურად იყენებს საერთაშორისო გამოცდილებას.

თბილისი, 21 იანვარი — Sputnik. საქართველოში პირველად ტურიზმისა და მედიცინის ასი წარმომადგენლისთვის სამედიცინო ტურიზმში მასტერ-კლასი ჩატარდა, აცნობეს საინფორმაციო სააგენტო Новости-Грузия-ს ტურიზმის ეროვნული ადმინისტრაციის პრეს-სამსახურში.

საქართველოში სამედიცინო ტურიზმის საბჭო შეიქმნა>>

საქართველოში სამედიცინო მომსახურების მიღების მსურველი ტურისტების ნაკადი წლიდან წლამდე იზრდება. ისინი ძირითადად მეზობელი ქვეყნებიდან არიან. უცხოელები დიდ ინტერესს იჩენენ ისეთი გამაჯანსაღებელი კურორტების მიმართ, როგორებიცაა ბორჯომი, წყალტუბო და სხვ. საქართველოში სულ 183 გამაჯანსაღებელი კურორტია.

ქირურგიული ოპერაცია - Sputnik საქართველო
სამედიცინო ტურიზმი საქართველოში – სტომატოლოგიიდან პლასტიკურ ქირურგიამდე

ტრენინგის ჩატარების ინიციატორები იყვნენ საქართველოს სამედიცინო ტურიზმის საბჭო, რომელიც ამ დარგის განვითარების მიზნით შარშან შეიქმნა, და ტურიზმის ეროვნული ადმინისტრაცია.

მასტერ-კლასი ჩაატარა მსოფლიოში წამყვანმა ტრენერმა, სამედიცინო ტურიზმის კონსულტანტმა პრემ იაგასმა. მას ტრენინგები ჩატარებული აქვს სამთავრობო ორგანოების, ჯანდაცვის ორგანიზაციების, სამედიცინო ტურიზმის წარმომადგენლებისთვის მსოფლიოს 65 ქვეყანაში.

„ჩვენ მოხარული ვართ, რომ აღნიშნულ ტრენინგს ტურიზმის ინდუსტრიის, ტურისტული კომპანიების და სამედიცინო სექტორის ასი წარმომადგენელი დაესწრო. სამედიცინო ტურიზმი ერთ-ერთი ახალი დარგია ჩვენი ქვეყნისთვის, ჩვენ, როგორც სახელმწიფო, ხელს ვუწყობთ ყველა დაინტერესებულ პირს – სრულიად უსასყიდლოდ გადავამზადოთ და მოვიძიოთ კიდევ უფრო მეტი ტურისტი, რომელიც უშუალოდ დაინტერესებულია სამედიცინო მომსახურებით, იმოგზაურონ ჩვენ ქვეყანაში და, რა თქმა უნდა, ამით ჩვენმა ბიზნესმა ნახოს კიდევ უფრო მეტი სარგებელი და მეტ ადამიანს მიეცეს დასაქმების საშუალება", – განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

მასტერ-კლასი მოიცავდა ბევრ საკითხს: უახლესი ტენდენციები, სამედიცინო ტურიზმისა და wellness სფეროს შესაძლებლობები და გამოწვევები, საერთაშორისო სტრატეგიის ბრენდის განვითარება, გლობალური ჯანდაცვისა და სამედიცინო ტურიზმის დანიშნულების გაცნობიერება, სტრატეგიული სახელმძღვანელო ინვესტიციების მიღებისა და საწყისი დაფინანსებისთვის, იურიდიული, ეთიკური და კულტურული საკითხები სამედიცინო ტურიზმში, ურთიერთობები მომხმარებელთან და ა.შ.

ტურისტები მცხეთაში - Sputnik საქართველო
საქართველომ ტურიზმის სფეროში ახალი ამოცანები დაისახა

სამედიცინო ტურიზმის საბჭო ზრუნავს ამ დარგის პოპულარიზაციაზე როგორც ქვეყნის შიგნით, ისე მის საზღვრებს გარეთ. გასულ წელს საბჭომ ტურიზმის ეროვნულ ადმინისტრაციასთან თანამშრომლობის შესახებ მემორანდუმი გააფორმა.

უფრო ადრე სამედიცინო ტურიზმის საბჭოს ხელმძღვანელმა პაატა რატიანმა განაცხადა, რომ საქართველოს ჯანდაცვა კონკურენტუნარიანია გარკვეული სამედიცინო მიმართულებების კუთხით როგორც ხარისხით, ისე ფასებით. თუმცა, ამ ინდუსტრიაში წარმატებების მიღწევა უზარმაზარი კონკურენციის ფონზე არცთუ იოლია.

ყველა ახალი ამბავი
0