თბილისი, 4 მარტი - Sputnik. მიმდინარე წლის თებერვალში საქართველო მოინახულა 469,5 ათასმა უცხოელმა, რაც გასული წლის თებერვალთან შედარებით 0,4%-ით ნაკლებია, ნათქვამია საქართველოს ტურიზმის ეროვნული ადმინისტრაციის მასალებში.
საქართველოში 15 წლის ზემოდ ასაკის პირებმა თებერვალში 389,2 ათასი ვიზიტი განახორციელეს, რაც გასული წლის ანალოგიურ პერიოდთან შედარებით 1,2%-ით ნაკლებია.
„ყველაზე საშიში საქართველოში არის ჭაჭა“ - ქვეყანა საუკეთესო მიმართულებათა სიაშია >>
რაც შეეხება ტურისტული ვიზიტების რაოდენობას, მან თებერვალში 247,7 ათასზე მეტს შეადგინა (+5,1%).
ქვეყნების ხუთეული 2019 წლის თებერვალში საქართველოში საერთაშორისო ვიზიტების რაოდენობის მიხედვით
| ქვეყანა | ვიზიტების რაოდენობა | ცვლილება წელიწადში - % |
| აზერბაიჯანი | 83 511 | -1,8 |
| სომხეთი | 70 078 | -10,7 |
| რუსეთი | 69 675 | 14,7 |
| თურქეთი | 61 594 | -19,8 |
| უკრაინა | 10 122 | 13,1 |
თებერვალში ქვეყანას ეწვია ქართული დიასპორის 34,8 ათასი წარმომადგენელი, რაც 2018 წლის თებერვალთან შედარებით 3,5%-ით მეტია.
განსაკუთრებული ზრდა შემდეგი ქვეყნებიდან დაფიქსირდა: ისრაელი (+198,4%), ჩინეთი (+52%), საუდის არაბეთი (+48,6%).
საქართველოში ყველაზე მეტი უცხოელი სახმელეთო და საჰაერო ტრანსპორტით ჩამოდის.
ტრანსპორტის სახეობები, რომლითაც უცხოელები საქართველოში ჩამოდიან
| ტრანსპორტის სახეობა | ვიზიტების რაოდენობა | ცვლილება წელიწადში -% | წილი ვიზიტების რიცხვიდან - % |
| სახმელეთო | 282 712 | -8,4 | 72,6 |
| საჰაერო | 101 273 | 24,7 | 26 |
| რკინიგზა | 2 343 | 8,7 | 0,6 |
| საზღვაო | 2 890 | 28,1 | 0,7 |
სასაზღვრო პუნქტებს შორის, რომლებსაც კვეთენ უცხოელი ვიზიტორები, ლიდერობს საკონტროლო გამშვები პუნქტები სარფში, თბილისის აეროპორტში და ყაზბეგში.
საკონტროლო გამშვები პუნქტები საქართველოს საზღვრებზე - პირველი ხუთეული
| საკონტროლო-გამშვები პუნქტი | ვიზიტების რაოდენობა | ცვლილება წელიწადში - % | წილი ვიზიტების რიცხვიდან - % |
| თბილისის აეროპორტი | 86 482 | 16,0 | 22,2 |
| წითელი ხიდი | 71 694 | 5,2 | 18,4 |
| სარფი | 65 278 | -12,5 | 16,8 |
| სადახლო | 55 075 | -3,7 | 14,2 |
| ყაზბეგი | 51 939 | -7,5 | 13,3 |
ტურიზმის სფერო საქართველოში აქტიურად ვითარდება, რაც სტატისტიკურ მონაცემებში აისახება. ყოველწლიურად ქვეყანაში იხსნება ახალი სასტუმროები, კვების ობიექტებში ტარდება ხარისხის შემოწმებები, მომსახურე პერსონალის და გიდების გადამზადება მიმდინარეობს.
