00:28 18 ნოემბერი 2018
პირდაპირი ეთერი
  • EUR3.0268
  • 100 RUB4.0447
  • USD2.6727
ბაკურიანი

ბაკურიანში ახალი საკანალიზაციო ქსელი 20-მდე ობიექტზე მოეწყო

CC BY 2.0 / Kris Duda / Bakuriani
ტურიზმი
მოკლე ბმულის მიღება
საქართველო - ტურისტული ცენტრი (335)
7810

ტურისტულ ზონებში წყალმომარაგებისა და წყალარინების შიდა ქსელების მოწესრიგება გრძელდება

თბილისი, 11 სექტემბერი — Sputnik. დაბა ბაკურიანში დამატებით 20-მდე ტურისტულ ობიექტზე ახალი საკანალიზაციო ქსელი მოეწყო, იუწყება ბაკურიანში მოქმედი წყალმომარაგების კომპანია United Water Supply Company საკუთარ Facebook-გვერდზე. 

კომპანიის ცნობით, ტერიტორიაზე, სადაც ეს ობიექტებია განთავსებული, წყალარინების ინფრასტრუქტურა დღემდე არ არსებობდა. დამსვენებლებს ზამთრის კურორტი ახალ სეზონზე უკვე  წყალარინების გამართული ინფრასტრუქტურით მოემსახურება.

„ტურისტულ ობიექტებზე მოთხოვნა ყოველწლიურად მზარდია, აქედან გამომდინარე საკანალიზაციო სისტემის გამართული ფუნქციონირებისთვის ქსელი განვითარებას საჭიროებდა“, — აღნიშნავენ კომპანიაში.

შესაბამისი სამუშაოები კომპანიის სამცხე-ჯავახეთის რეგიონულმა ფილიალმა უკვე დაასრულა.

წყალმომარაგების კომპანიის ცნობით, ტურისტულ ზონებში წყალმომარაგებისა და წყალარინების შიდა ქსელების მოწესრიგება გრძელდება.

ზამთრის სეზონი საქართველოს კურორტებზე დეკემბრის ბოლოს იწყება და აპრილის ბოლოს იხურება. 


თემები:
საქართველო - ტურისტული ცენტრი (335)

მთავარი თემები