07:46 22 იანვარი 2021
პირდაპირი ეთერი
  • EUR4.0064
  • 100 RUB4.4826
  • USD3.3010
სასარგებლო რჩევები
მოკლე ბმულის მიღება
ჯანმრთელობა და სილამაზე (81)
1066130

ახალი წლის დღესასწაულების შემდეგ,  რომლებიც საქართველოში ტრადიციული ქართული სუფრის გარეშე  წარმოუდგენელია, მოსახლეობის უმეტესობა წონაში მატებას უჩივის.

ნატა პატარაია

როგორ  ავირიდოთ ზედმეტი კილოგრამები ახალი წლის პერიოდში და რატომ არის საჭირო განტვირთვის დღეების მოწყობა კალორიული საკვების მიღების შემდეგ, Sputnik-საქართველოსთან ენდოკრინოლოგიის ეროვნული ინსტიტუტის ექიმი-ენდოკრინოლოგი თინათინ კაჭარავა საუბრობს.

ექიმი ენდოკრინოლოგი თინათინ კაჭარავა
photo: courtesy of Tinatin Katcharava
ექიმი ენდოკრინოლოგი თინათინ კაჭარავა

- ახალი წლის დღესასწაულებზე რას ურჩევდით იმ ადამიანებს ვისაც წონის შესანარჩუნებლად დიეტებზე ყოფნა ხშირად უწევთ?

ხშირად ადამიანები ყოფენ ე.წ  დიეტებს ახალ წლამდე და ახალი წლის შემდეგ, რაც თავის მხრივ უკვე შეცდომაა. რადგან თუ ჩვენ ვირჩევთ, ჯანსაღი კვების რეჟიმს,  მაშინ ის უნდა დავიცვათ ახალ წელსაც და ნებისმიერ სხვა დღესასწაულზეც. თუმცა ქართული სუფრა დამეთანხმებით რომ ნამდვილი განსაცდელია. თან საქართველო დღესასწაულების სიმრავლით გამოირჩევა განსაკუთებით იანვრის თვეში.

არიან ადამიანები, რომლებიც ფიქრობენ, რომ თუ ახალ წლებზე დიეტას ნაწილობრივ დაარღვევენ და მხოლოდ ტკბილეულს მიირთმევენ, ძალიან არ მოიმატებენ და ეს არის ძალიან დიდი შეცდომა. ორგანიზმი მთელი დღე მხოლოდ ტკბილეულზე არ უნდა ვამყოფოთ, დღესასწაულზეც და ნებისმიერ სხვა დროსაც როდესაც გვიჭირს თავშეკავება სუფრაზე სასურველია მივირთვათ მრავალფეროვნად და მცირე ულუფებით ვიდრე მხოლოდ ერთი სახეობის საკვები და დიდი ულუფით განსაკუთრებით კი ტკბილეული. რაც შეეხება კონკრეტულად ახალ წელს  პირველ რიგში 31 ში ღამის 12 საათზე შემოვიფარგლოთ ერთმანეთისთვის სიმბოლური მილოცვით და ღამით ნუ დავაგემოვნებთ საკვებს. უკვე შემდეგ 1 ში და  2 ში ჩვენთვის საყვარელი საახალწლო სუფრის რაციონიდან დღის მანძილზე ჯერად კვებებზე გადავანაწილოთ სხვდასხვა სახეობის საკვები, სასურველია ცომეული და ტკბილეული დღის პირველ ნახევარში დავაგემოვნოთ ( იგულისხმება ერთი ორი ნაჭერი ცომეული და ტკბილეული), ხოლო დღის მეორე ნახევრისთვის დავიტოვოთ ხორციანი საკვები, სალათები და ხილი.

- რამდენად კალორიულია  ალკოჰოლი?

- ალკოჰოლური სასმელი საკმაოდ კალორიულია, განსაკთრებით ღვინო, რომელიც ყურძნისგან მზადდება არის ნახშირწყლების საბადო. კატეგორიულად დაუშვებელია ალკოჰოლის და ტკბილი გაზიანი სასმელების ერთად მირთმევა, ამ დროს ძალიან იმატებს მიღებული კალორიების რიცხვი.  ერთადერთი სითხე, რომლის მიღებაც ალკოჰოლთან ერთად  დასაშვებია, არის წყალი.

- დღესასწაულების შემდეგ რატომ არის საჭირო განტვირთვის დღეების მოწყობა?

- ზოგადად დღესასწაულების შემდეგ რაც მალე დავუბრუნდებით ჯერად, დაბალანსებულ კვებას და მოვიწესრიგებთ ძილის რეჟიმს, მით უფრო ნაკლებად ვიგრძნობთ დღესასწაულებით გამოწვეულ ზედმეტ კილოგრამებს. ამაში კი განტვირთვის დღეები ძალიან დაგვეხმარება და აუცილებელიც კია მათი მოწყობა ისეთი გადატვირთული დღეების შემდეგ, როგორიც არის საქართველოში შობა- ახალი წელი. თუმცა აქვე უნდა აღინიშნოს რომ მცდარია წარმოდგენა, თითქოს განტვირთვის დღეები მომატებული კილოგრამებს დაგვაკლებინებს. ისინი ჩვენს მეტაბოლიზმზე დადებით გავლენას ახდენს, რის შემდეგაც უფრო ილად ვუბრუნდბით ძველ რეჟიმს. რაც შეეხება კვებას, მაგალითად, შეგვიძლია მთელი დღის განმავლობაში მივიღოთ მხოლოდ 500 მლ კეფირი, 0,5 კგ კიტრი და 0,5 კგ ვაშლი.

 

 

თემები:
ჯანმრთელობა და სილამაზე (81)

მთავარი თემები