https://sputnik-georgia.com/20210726/basilashvili-kvlav-igebs-win-zverevtan-shexvedraa-252423040.html
ბასილაშვილი კვლავ იგებს – წინ ზვერევთან დაპირისპირება გველის
ბასილაშვილი კვლავ იგებს – წინ ზვერევთან დაპირისპირება გველის
Sputnik საქართველო
პირველი ეტაპისგან განსხვავებით ქართველ ჩოგბურთელს იტალიელ სონეგოსთან გამარჯვებისთვის სამი სეტი დასჭირდა. შეხვედრა ორი საათი და 43 წუთი გაგრძელდა. 26.07.2021-ს, Sputnik საქართველო
2021-07-26T13:43+0400
2021-07-26T13:43+0400
2021-08-28T14:27+0400
სპორტი
ახალი ამბები
https://cdnn1.img.sputnik-georgia.com/img/07e5/07/1a/252422364_0:19:3072:1747_1920x0_80_0_0_4d348bac83505ea04541827133f0904f.jpg
თბილისი, 26 ივლისი — Sputnik. საქართველოს პირველი ჩოგანი ნიკოლოზ ბასილაშვილი ტოკიოს ოლიმპიურ თამაშებზე წარმატებულ სვლას აგრძელებს.ქართველმა ჩოგბურთელმა ოლიმპიადაზე უკვე მეორე შეხვედრა მოიგო. ესპანელი კარბალეს ბაენას შემდეგ ნიკოლოზმა დაძაბულ ბრძოლაში იტალიელ ლორენცო სონეგოს სძლია და მერვედფინალური ეტაპის საგზური მოიპოვა. ბასილაშვილმა შეხვედრა ბრწყინვალედ დაიწყო, მან მეტოქეს პირველი სეტის სტარტზევე ბრეიკი შეუსრულა. სონეგომ ქართველ ჩოგბურთელს საპასუხო გეიმი მალევე მოუგო და ანგარიში გაათანაბრა, თუმცა სეტის დასკვნით ფაზაში ნიკოლოზმა იტალიელის ჩაწოდება კიდევ ერთხელ მოიგო და წინ გავიდა. მეორე სეტი ლორენცომ უკეთ დაიწყო, რაც მალევე უპირატესობაში გარდაისახა და ანგარიში გათანაბრდა.მესამე და გადამწყვეტ სეტში ნიკოლოზმა ასპარეზობა ცუდად დაიწყო. 1:1-ზე მან საკუთარი ჩაწოდება წააგო და იტალიელს დიდი უპირატესობა მიანიჭა. მიუხედავად ამისა, ქართველმა ჩოგბურთელმა თამაშში დაბრუნება შეძლო და ბოლო სეტი ანგარიშით 6:4 დახურა. საბოლოოდ შეხვედრა ნიკოლოზის გამარჯვებით 6:4, 3:6, 6:4 დასრულდა.ბასილაშვილი შემდეგ შეხვედრას 28 ივლისს გერმანელ ალექსანდრ ზვერევთან ითამაშებს. მატჩი თბილისის დროით 06:00 საათზე დაიწყება.
https://sputnik-georgia.com/20210724/basilaSvilma-olimpiada-martivi-gamarjvebiT-daiwyo-252411762.html
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
სპორტი, ახალი ამბები
ბასილაშვილი კვლავ იგებს – წინ ზვერევთან დაპირისპირება გველის
13:43 26.07.2021 (განახლებულია: 14:27 28.08.2021) პირველი ეტაპისგან განსხვავებით ქართველ ჩოგბურთელს იტალიელ სონეგოსთან გამარჯვებისთვის სამი სეტი დასჭირდა. შეხვედრა ორი საათი და 43 წუთი გაგრძელდა.
თბილისი, 26 ივლისი — Sputnik. საქართველოს პირველი ჩოგანი ნიკოლოზ ბასილაშვილი ტოკიოს ოლიმპიურ თამაშებზე წარმატებულ სვლას აგრძელებს.
ქართველმა ჩოგბურთელმა ოლიმპიადაზე უკვე მეორე შეხვედრა მოიგო. ესპანელი კარბალეს ბაენას შემდეგ ნიკოლოზმა დაძაბულ ბრძოლაში იტალიელ ლორენცო სონეგოს სძლია და მერვედფინალური ეტაპის საგზური მოიპოვა.
ბასილაშვილმა შეხვედრა ბრწყინვალედ დაიწყო, მან მეტოქეს პირველი სეტის სტარტზევე ბრეიკი შეუსრულა. სონეგომ ქართველ ჩოგბურთელს საპასუხო გეიმი მალევე მოუგო და ანგარიში გაათანაბრა, თუმცა სეტის დასკვნით ფაზაში ნიკოლოზმა იტალიელის ჩაწოდება კიდევ ერთხელ მოიგო და წინ გავიდა. მეორე სეტი ლორენცომ უკეთ დაიწყო, რაც მალევე უპირატესობაში გარდაისახა და ანგარიში გათანაბრდა.
მესამე და გადამწყვეტ სეტში ნიკოლოზმა ასპარეზობა ცუდად დაიწყო. 1:1-ზე მან საკუთარი ჩაწოდება წააგო და იტალიელს დიდი უპირატესობა მიანიჭა. მიუხედავად ამისა, ქართველმა ჩოგბურთელმა თამაშში დაბრუნება შეძლო და ბოლო სეტი ანგარიშით 6:4 დახურა. საბოლოოდ შეხვედრა ნიკოლოზის გამარჯვებით 6:4, 3:6, 6:4 დასრულდა.
ბასილაშვილი შემდეგ შეხვედრას 28 ივლისს გერმანელ ალექსანდრ ზვერევთან ითამაშებს. მატჩი თბილისის დროით 06:00 საათზე დაიწყება.
