05:15 28 ივლისი 2021
პირდაპირი ეთერი
  • EUR3.6409
  • 100 RUB4.1895
  • USD3.0892
სპორტი
მოკლე ბმულის მიღება
49 0 0

გელა ზაალიშვილმა მსოფლიო პირველობაზე სამ ორთაბრძოლაში იმარჯვა და ნახევარფინალში რუს ძიუდოისტ ბაშაევს დაუპირისპირდება.

თბილისი, 12 ივნისი - Sputnik. უნგრეთის დედაქალაქ ბუდაპეშტში მიმდინარე ძიუდოს მსოფლიოს ჩემპიონატზე მძიმე წონაში მოასპარეზე გელა ზაალიშვილი ნახევარფინალურ ეტაპზე გავიდა.

ზაალიშვილმა, რომელიც +100 კგ წონით კატეგორიაში ასპარეზობს, ზედიზედ სამი შეხვედრა მოიგო და ის ნახევარფინალში რუს ტამერლან ბაშაევს შეხვდება.

საქართველოს სახელით დღეს ასევე სოფიო სომხიშვილმა იჭიდავა, რომელიც ტურნირის პირველივე ორთაბრძოლაში კორეელ სპორტსმენთან დამარცხდა და მსოფლიო პირველობას გამოეთიშა.

ბუდაპეშტში მიმდინარე მსოფლიო ჩემპიონატზე საქართველოს ერთი ოქროს, ერთი ვერცხლისა და ორი ბრინჯაოს მედალი აქვს მოპოვებული. ამ დროისთვის ჩვენი ნაკრები მამაკაცთა გუნდურ ჩათვლაში ლიდერობს.

მთავარი თემები