თბილისი, 9 იანვარი — Sputnik. ზამთრის ახალგაზრდულ ოლიმპიურ თამაშებში, რომელიც ხუთშაბათს, 9 იანვარს შვეიცარიის ქალაქ ლოზანაში იწყება, 10 ქართველი სპორტსმენი მიიღებს მონაწილეობას, ნათქვამია საქართველოს ეროვნული ოლიმპიური კომიტეტის განცხადებაში.
ქართველმა მოციგურავე მორის ყვითელაშვილმა ზაგრებში ვერცხლის მედალი მოიპოვა>>
ქართველი ახალგაზრდა სპორტსმენები 16-დან ოთხ დისციპლინაში იასპარეზებენ: სამთო-სათხილამურო სპორტი, ტრამპლინიდან ხტომა, ფიგურული ციგურაობა, ციგაობა.
საქართველოს ნაკრებს ოლიმპიადაზე წარადგენენ:
|
ალინა ურუშაძე |
ფიგურული ციგურაობა | ინდივიდუალური |
| ლუკა ბერულავა | ფიგურული ციგურაობა | წყვილები |
| ალინა ბუტაევა | ფიგურული ციგურაობა | წყვილები |
| იულია ლებედევა-ბითაძე | ფიგურული ციგურაობა | სპორტული ცეკვები |
| მიხეილ კაიგოროდცევი | ფიგურული ციგურაობა | |
| ნოდარ კოზანაშვილი | სამთო-სათხილამურო სპორტი | |
| ნინო კურტანიძე | სამთო-სათხილამურო სპორტი | |
| ესმერალდა გობოზოვა | ტრამპლინიდან ხტომა | |
| ლუკა მჭედლიანი | ციგაობა | |
| ლაშა მჭედლიანი | ციგაობა |
ქართული ოლიმპიური დელეგაცია ლოზანაში ზამთრის მესამე ახალგაზრდულ ოლიმპიურ თამაშებში მონაწილეობის მისაღებად გუშინ ჩავიდა.
სულ ოლიმპიადაში მონაწილეობას 79 ქვეყნის 1 792 სპორტსმენი მიიღებს. ყველაზე მრავალრიცხოვანია შვეიცარიის (111), რუსეთის (111), აშშ-ის (96), გერმანიისა (90) და კანადის (78) ნაკრებები.
ოლიმპიური თამაშების დახურვის ცერემონია 22 იანვარს Malley-ს ყინულის არენაზე გაიმართება.
