ცნობილი გახდა 2019 წლის საუკეთესო სპორტსმენების ვინაობა

© photo: Georgian National Olympic Committee / FB ძალოსანი ლაშა ტალახაძე
ძალოსანი ლაშა ტალახაძე - Sputnik საქართველო
გამოწერა
ყოველწლიურად ოლიმპიური კომიტეტი დეკემბრის ბოლოს წელს აჯამებს და სპორტის ოლიმპიურ სახეობებში ქვეყნის საუკეთესო სპორტსმენებს აჯილდოებს.

თბილისი, 27 დეკემბერი — Sputnik. საქართველოს ეროვნულმა ოლიმპიურმა კომიტეტმა ძალოსანი, ოლიმპიური ჩემპიონი, მსოფლიოსა და ევროპის მრავალგზის ჩემპიონი ლაშა ტალახაძე 2019 წლის საუკეთესო სპორტსმენად დაასახელა.

ლაშა ტალახაძე - Sputnik საქართველო
ლაშა ტალახაძე თურქეთში საერთაშორისო ტურნირის ტრიუმფატორი გახდა

ლაშა ტალახაძესთან ერთად წლის საუკეთესო სპორტსმენის ტიტულისთვის იბრძოდნენ მსოფლიოსა და ევროპის ჩემპიონი, ძიუდოისტი ლუხუმ ჩხვიმიანი და ევროპის ვიცე-ჩემპიონი, თავისუფალი სტილით მოჭიდავე გენო პეტრიაშვილი.

ტალახაძე ზედიზედ მეოთხედ გახდა საქართველოს საუკეთესო სპორტსმენი – მიმდინარე წელს მან მსოფლიოსა და ევროპის ჩემპიონატები მოიგო და ახალი რეკორდები დაამყარა.

სხვა ნომინაციებში გამარჯვებულები გახდნენ:

საუკეთესო სპორტსმენი ქალი – ნინო სალუქვაძე (ტყვიის სროლა);

საუკეთესო სპორტსმენები სპორტის ზამთრის სახეობებში – მარია კაზაკოვა და გიორგი რევია (ფიგურული სრიალი);

ნინო სალუქაძე - Sputnik საქართველო
ნინო სალუქვაძე — სპორტსმენი, რომლის ანგარიშზეც ყველა ღირსების ოლიმპიური მედალია

წლის აღმოჩენა, ოლიმპიური იმედი (ვაჟი) – ლუკა მაისურაძე (ძიუდო);

წლის აღმოჩენა, ოლიმპიური იმედი (გოგონა) – ეთერ ლიპარტელიანი (ძიუდო);

საუკეთესო ახალგაზრდა სპორტსმენი (23 წლამდე) – გოგა ბითაძე (კალათბურთი);

საუკეთესო მწვრთნელი – გიორგი იანტბელიძე (თავისუფალი ჭიდაობა);

ქალთა სპორტში საუკეთესო მწვრთნელი – გიორგი თენაძე (ძიუდო);

საუკეთესო სპორტული მენეჯერი – საქართველოს ძალოსნობის ფედერაციის პრეზიდენტი კახი კახიაშვილი;

საუკეთესო სპორტული ფედერაცია – საქართველოს ჭიდაობის ეროვნული ფედერაცია;

ოლიმპიური მოძრაობის მედიამხარდამჭერი – საქართველოს საზოგადოებრივი მაუწყებლის „პირველი არხი“;

ეროვნული ოლიმპიური კომიტეტის საუკეთესო რეგიონული ორგანიზაცია – ქვემო ქართლის;

ოლიმპიური სპორტის მხარდამჭერები კომპანიები – „საქართველოს ბანკი“, სააფთიაქო ქსელი „ავერსი“, ღვინის კომპანია „თელიანი ველი“;

საუკეთესო პარასპორტსმენი ქალი – ირმა ხეცურიანი (ფარიკაობა).

ეროვნული ოლიმპიური კომიტეტი ყოველწლიურად დეკემბრის ბოლოს წელს აჯამებს და სპორტის ოლიმპიურ სახეობებში ქვეყნის საუკეთესო სპორტსმენებს აჯილდოებს.

ყველა ახალი ამბავი
0