ქართველმა მოციგურავეებმა პირველად ოქროს მედლები აიღეს

© photo: Sputnik / Nina Zotina / გადასვლა მედიაბანკშიფიგურული ციგურაობა
ფიგურული ციგურაობა - Sputnik საქართველო
გამოწერა
ქართველმა სპორტსმენებმა ფიგურულ ციგურაობაში საერთაშორისო ტურნირზე გულშემატკივრები ოქროს მედლით გაახარეს

თბილისი, 7 დეკემბერი — Sputnik. მოციგურავეებმა ლუკა ბერულავამ და ალინა ბუტაევამ ხორვატიის დედაქალაქ ზაგრებში მიმდინარე საერთაშორისო ტურნირზე ფიგურულ ციგურაობაში კარიერაში პირველი ოქროს მედალი მოიპოვეს.

საქართველოს ფიგურული ციგურაობის ფედერაციის პრეზიდენტს საპატიო ჯილდო გადაეცა >>

მოკლე და თავისუფალი პროგრამების შემდეგ ქართველმა მოციგურავეები 142,54 ქულით პირველები გახდნენ.

მეორე და მესამე ადგილები ამერიკელმა მოციგურავეებმა დაიკავეს.

„ყოველ ახალ სტარტს დიდი მნიშვნელობა აქვს ახალბედა სპორტული წყვილისათვის, ეს გამარჯვება კი დიდი სტიმული იქნება მათთვის სეზონის ისეთი მთავარი ტურნირების წინ, როგორიცაა ზამთრის ახალგაზრდული ოლიმპიური თამაშები და იუნიორთა შორის მსოფლიო ჩემპიონატი. ვულოცავთ ქართველ სპორტსმენებს ოქროს მედლებით შეფასებულ ამ წარმატებულ შედეგს“, - ნათქვამია საქართველოს ფიგურული ციგურაობის ფედერაციის განცხადებაში.

„ჩელენჯერის სერიის" საერთაშორისო ტურნირი ფიგურულ ციგურაობაში ზაგრებში იუნიორებისა და სენიორების კატეგორიებში 4-7 დეკემბერს ტარდება.

ინდივიდუალურ თანრიგში ჭაბუკებს შორის საქართველოს მორის ყვითელაშვილი წარადგენს.

ადრე ნოემბერში ლუკა ბერულავა და ალინა ბუტაება რიგაში Volvo Open Cup-ის იუნიორთა შორის გრან-პრის მფლობელები გახდნენ.

ყველა ახალი ამბავი
0