00:43 09 დეკემბერი 2019
პირდაპირი ეთერი
  • EUR3.2690
  • 100 RUB4.6218
  • USD2.9466
ევროპის კლუბური თასის გათამაშების პრიზები ჭადრაკში

ბათუმის საჭადრაკო კლუბი „ნონა" ევროპის ჩემპიონია

© European Chess Club Cup
სპორტი
მოკლე ბმულის მიღება
სპორტის ამბები (486)
52 0 0

ბათუმური კლუბის მოჭადრაკეები უკვე მეოთხედ გახდნენ უძლიერესნი ევროპაში და ამ მაჩვენებლით კონტინენტზე მეორე ადგილი უკავიათ.

თბილისი, 18 ნოემბერი — Sputnik. ბათუმის ქალთა საჭადრაკო კლუბი „ნონა" ევროპის კლუბური ჩემპიონატის გამარჯვებული გახდა. ჩემპიონატი მონტენეგროს ქალაქ ბუდვაში გაიმართა.

ფინალურ ტურში „ნონამ" ყაიმით დაასრულა შეხვედრა რუს სპორტსმენებთან – სანქტ-პეტერბურგის ჭადრაკისა და შაშის სპორტული სკოლის წარმომადგენლებთან. სულ ბათუმის კლუბმა შვიდი მატჩი ჩაატარა. აქედან „ნონამ" ოთხჯერ გაიმარჯვა, ხოლო სამი ყაიმით დასრულდა.

მთლიანობაში ქართველმა მოჭადრაკეებმა 11 ქულა დააგროვეს.

ტურნირზე მეორე ადგილი დაიკავა უკრაინულმა გუნდმა Kyiv Chess Federation (10 ქულა), ხოლო მესამე – გუნდმა მონაკოდან Cercle d'Echecs (10 ქულა). სულ ევროპის ჩემპიონობისთვის 14 გუნდი იბრძოდა.

მონტენეგროში გამართულ ჩემპიონატში მონაწილეობდნენ ბათუმის კლუბის ორი მუდმივი წევრი – ნინო ბაციაშვილი და სალომე მელია, ასევე საქართველოს ნაკრების მოწვეული მოჭადრაკეები – ნანა ძაგნიძე, ლელა ჯავახიშვილი და ბელა ხოტენაშვილი.

„ნონა" ევროპის კლუბური ჩემპიონატის გამარჯვებული უკვე მეოთხედ გახდა. ამ მაჩვენებლით გუნდს მეორე ადგილი უკავია. კლუბურ პირველობაში ყველაზე მეტი გამარჯვება აქვს მონტე-კარლოს გუნდს.

თემები:
სპორტის ამბები (486)

მთავარი თემები