10:20 24 აგვისტო 2019
პირდაპირი ეთერი
  • EUR3.2365
  • 100 RUB4.4581
  • USD2.9279
Гроссмейстер Нона Гаприндашвили

ნონა გაფრინდაშვილი მილოცვებს იღებს: ლეგენდარული დიდოსტატი 78 წლისაა

© Sputnik / Alexander Imedashvili
სპორტი
მოკლე ბმულის მიღება
საქართველოს სიამაყე (40)
51510

მოჭადრაკის გამარჯვებებით საქართველო ყოველთვის იამაყებს, განაცხადა პრემიერმა

თბილისი, 3 მაისი - Sputnik. საქართველოს პრემიერ-მინისტრმა მამუკა ბახტაძემ ლეგენდარულ ქართველ მოჭადრაკე ნონა გაფრინდაშვილს დაბადების დღე მიულოცა.

„ვულოცავ ქალბატონ ნონა გაფრინდაშვილს დაბადების დღეს. მის სახელთან არის დაკავშირებული ჩვენი ხალხის უდიდესი სიხარული მრავალი წლის განმავლობაში. ეს გამარჯვებები ყოველთვის იქნება ჩვენი ეროვნული სიამაყის მიზეზი.“, - ნათქვამია ბახტაძის Facebook-გვერდზე გამოქვეყნებულ ინფორმაციაში.

ნონა გაფრინდაშვილი - მსოფლიოს ხუთგზის ჩემპიონია (1962 - 1978 წწ.). იგი იყო პირველი საერთაშორისო დიდოსტატი ქალთა შორის და პირველი ქალი, რომელსაც მამაკაცთა შორის საერთაშორისო დიდოსტატის წოდება მიენიჭა. 1982 წელს გახდა „საჭადრაკო ოსკარის“ პირველი მფლობელი.

ნონა გაფრინდაშვილი 78 წლისაა. ჭადრაკის თამაში მან ხუთი წლის ასაკიდან დაიწყო. 12 წლიდან თბილისის პიონერთა სასახლეში გამოცდილი მწვრთნელის ხელმძღვანელობით ვარჯიშობდა. 15 წლისა გახდა თბილისისა და საქართველოს ჩემპიონი. ბოლო ტიტული გაფრინდაშვილმა 2018 წელს აიღო, როდესაც ვეტერანთა შორის ევროპის ჩემპიონატში გაიმარჯვა.

საქართველოში ლეგენდარული მოჭადრაკის პატივსაცემად ყოველწლიურად საჭადრაკო ტურნირი იმართება.

თემები:
საქართველოს სიამაყე (40)

მთავარი თემები