ქართველმა ძიუდოისტებმა ჩინეთის ტურნირზე ოქროს მედლები მოიპოვეს

© photo: Georgian Judo Federation / FBგურამ თუშიშვილი
გურამ თუშიშვილი - Sputnik საქართველო
გამოწერა
ქართველმა ძიუდოისტებმა წლის ბოლო ტურნირზე საერთო გუნდური ჩათვლა მოიგეს

თბილისი, 16 დეკემბერი — Sputnik. ქართველმა ძიუდოისტებმა, ვარლამ ლიპარტელიანმა და გურამ თუშიშვილმა ჩინეთის ქალაქ გუანჯოუში „მასტერსის“ სერიის ტურნირის დასკვნით დღეს ოქროს მედლები მოიპოვეს.

საქართველოს ნაკრების კაპიტანი და ლიდერი ვარლამ ლიპარტელიანი 100 კგ-მდე წონით კატეგორიაში გამარჯვებული გახდა. ფინალში ქართველი უნდა შეხვედროდა მონღოლ ოტგონბაატარ ლხაგვასურენს, მაგრამ მიღებული ტრავმის გამო მეტოქე ტატამზე ვერ გავიდა.

ამირან პაპინაშვილი ორთაბრძოლისას - Sputnik საქართველო
ქართველმა ძიუდოისტებმა ჩინეთის ტურნირზე სამი მედალი მოიპოვეს

აღსანიშნავია, რომ ლიპარტელიანისათვის ჩინეთის „მასტერსზე“ ეს უკვე ზედიზედ მეორე გამარჯვებაა. რიო-დე-ჟანეიროს ვერცხლის პრიზიორი კვარცხლბეკის ზედა საფეხურზე გასულ წელსაც ავიდა.

კიდევ ერთი ოქრო მოიპოვა გურამ თუშიშვილმა (+100 კგ). გადამწყვეტ ორთაბრძოლაში მან ბრაზილიელ რაფაელ სილვას სძლია.

საერთო ჯამში სეზონის დასკვნით ტურნირზე საქართველოს ნაკრების ძიუდოისტებმა ხუთი მედალი მოიპოვეს. ამირან პაპინაშვილმა (-60 კგ) ვერცხლი აიღო, ხოლო ვაჟა მარგველაშვილმა (-66 კგ) და ლაშა შავდათუაშვილმა (-73 კგ) ბრინჯაოს პრიზიორები გახდნენ.

ზვიად პატარიძე ახალგაზრდებს შორის მსოფლიოში საუკეთესოდ დაასახელეს >>

ამ შედეგით ქართველმა ძიუდოისტებმა მედლების საერთო გუნდურ ჩათვლაში პირველი ადგილი დაიკავეს. მეორე ადგილზე იაპონიაა (2-0-1), მესამეზე - რუსეთი (1-1-2).

აღსანიშნავია, რომ ჩინეთის ტურნირზე გამარჯვება იზეიმა კიდევ ერთმა ქართველმა. ესპანეთის სახელით მოასპარეზე ნიკოლოზ შერაზადაშვილმა (-90 კგ) ოქროს მედალი მოიპოვა.

ყველა ახალი ამბავი
0