16:06 10 დეკემბერი 2018
პირდაპირი ეთერი
  • EUR3.0324
  • 100 RUB3.9852
  • USD2.6682
ნიკოლოზ ბასილაშვილი

ქართველი ჩოგბურთელი შანხაის ტურნირის მესამე წრეში ვერ გადავიდა

© AP Photo / Mark Schiefelbein
სპორტი
მოკლე ბმულის მიღება
61 0 0

ტურნირზე ბასილაშვილმა 47 ათასი დოლარი და 45 სარეიტინგო ქულა გამოიმუშავა.

თბილისი, 10 ოქტომბერი — Sputnik. საქართველოს პირველი ჩოგანი ნიკოლოზ ბასილაშვილი (23-ე ნომერი АТР-ს რეიტინგში) ამ დღეებში შანხაიში (ჩინეთი) მიმდინარე "მასტერსის" სერიის საჩოგბურთო ტურნირის მესამე წრეში ვერ გადავიდა.

მეორე რაუნდის მატჩში ქართველმა ჩოგბურთელმა ალექსანდრ ზვერევთან (მე-5 ნომერი, გერმანია) წააგო ორ სეტში 5:7, 4:6. თამაში საათნახევარი გაგრძელდა.

მეორე პარტიაში იგრძნობოდა, რომ ქართველი სპორტსმენი დაიღალა, აისახა გასული კვირის დაძაბულობაც, როდესაც ბასილაშვილმა პეკინში АТР 500 სერიის ტურნირი მოიგო.

Rolex Shanghai Masters-ში მონაწილეობამ ქართველ ჩოგბურთელს 45 სარეიტინგო ქულა და საპრიზო 47 ათასი აშშ დოლარი მოუტანა.

შანხაის ტურნირი 14 ოქტომბრამდე გაგრძელდება. შეჯიბრების საპრიზო ფონდია შვიდი მილიონი დოლარი. მოქმედი გამარჯვებულია შვეიცარიელი როჯერ ფედერერი.

 

მთავარი თემები