https://sputnik-georgia.com/20210727/gamyrelidze-axali-rekomendaciebit-gamodis-252433885.html
კორონავირუსის ახალი ანტირეკორდი: გამყრელიძე საკოორდინაციო საბჭოს რეკომენდაციებით მიმართავს
კორონავირუსის ახალი ანტირეკორდი: გამყრელიძე საკოორდინაციო საბჭოს რეკომენდაციებით მიმართავს
Sputnik საქართველო
ქვეყანაში ეპიდვითარება შემაშფოთებელია, თუმცა, მეოთხე ტალღის პიკი ჯერ არ დამდგარა – მთავრობა მკაცრი „ლოკდაუნის“ გამოცხადებას არ გეგმავს 27.07.2021-ს, Sputnik საქართველო
2021-07-27T14:37+0400
2021-07-27T14:37+0400
2023-08-17T18:12+0400
ახალი ამბები
საზოგადოება
საქართველო
covid-19
https://cdnn1.img.sputnik-georgia.com/img/07e5/07/18/252411587_0:68:1280:788_1920x0_80_0_0_9f469692ac3d4d97caef55eceaf93f66.jpg
თბილისი, 27 ივლისი – Sputnik. საქართველოში ეპიდემიოლოგიური ვითარება მკვეთრად გაუარესდა – ერთ დღეში ინფიცირების იმაზე მეტი შემთხვევა დაფიქსირდა, ვიდრე მესამე ტალღის პიკის დროს, განაცხადა ჟურნალისტებთან დაავადებათა კონტროლის ეროვნული ცენტრის ხელმძღვანელმა ამირან გამყრელიძემ. გამყრელიძის თქმით, ერთადერთი განსხვავება ინფექციის გავრცელების წინა ტალღებისგან არის ის, რომ ახლა მოსახლეობის ვაქცინაცია შესაძლებელია.გამყრელიძის თქმით, საქართველოში 26 ივლისს ვაქცინაციის ყველაზე მაღალი მაჩვენებელი დაფიქსირდა – ერთ დღეში 13,8 ათასი ადამიანი აიცრა. დღეს ვაქცინის გაკეთებას 14,3 ათასი მოქალაქე გეგმავს – უმრავლესობამ Pfizer აირჩია, შემდეგ მოდის Sinopharm, AstraZeneca და ბოლოს Sinovac.ქვეყნის მთავარი ეპიდემიოლოგის თქმით, ეპიდვითარების გაუარესებიდან გამომდინარე, კიდევ უფრო გამკაცრდება კონტროლი ხალხმრავალი ქორწილებისა და ქელეხების გამართვასთან დაკავშირებით. გამყრელიძე საზოგადოებას ვაქცინაციის პროცესში აქტიური ჩართვისკენ მოუწოდებს.მან კიდევ ერთხელ შეახსენა მოსახლეობას, რომ ღია სივრცეებში, იქ სადაც ბევრი ადამიანი იკრიბება, აუცილებელია პირბადის ტარება, წინასაარჩევნო პერიოდში კი პირბადის ტარება აუცილებელი რეკომენდაცია იქნება. მთავარი ეპიდემიოლოგი აუცილებლობად მიიჩნევს ქვეყნის საზღვრებზე დამატებითი კონტროლის შემოღებას, რათა საეჭვო შემთხვევების იდენტიფიცირება დროულად მოხდეს.ასევე რეკომენდაციაა გაცემული ინფიცირებულთათვის სასტუმროებში საკმარისი ადგილების გამოყოფაზე, რათა მოხდეს მათი იზოლირება და ინფიცირების ჯაჭვის დროულად გაწყვეტა.გამყრელიძის თქმით, მიუხედავად გართულებული ეპიდვითარებისა, ქვეყანაში მკაცრი „ლოკდაუნის“ შემოღება არ იგეგმება. „ინფიცირების ასეთი ზრდა დაკავშირებულია როგორც ახალი შტამების გავრცელებასთან, ისე მთლიანობაში ვირუსის ცირკულირებასთან. რაც შეეხება საკითხს, შემოვიღებთ თუ არა მკაცრ „ლოკდაუნს“, ამ ეტაპზე საკოორდინაციო საბჭო მკაცრ „ლოკდაუნს“ არ განიხილავს. განიხილება იმ შეზღუდვების მაქსიმალურ აღსრულებაზე კონტროლი, რაც დღეს მოქმედებს“, – განაცხადა გამყრელიძემ.საქართველოში ბოლო დღე–ღამეში კორონავირუსის 3.666 ახალი შემთხვევა გამოვლინდა.პანდემიიდან დღემდე გამოვლინდა ინფიცირების 407 ათასზე მეტი შემთხვევა, გამოჯანმრთელდა 376 ათასზე მეტი პირი, გარდაიცვალა 5.731.
https://sputnik-georgia.com/20210727/saqartveloshi-delta-plusis-axali-shtami-gamovlinda-252433379.html
https://sputnik-georgia.com/20210726/vaqcinacia-soflebSi-premieris-iniciativa-252422501.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საზოგადოება, საქართველო, covid-19
ახალი ამბები, საზოგადოება, საქართველო, covid-19
კორონავირუსის ახალი ანტირეკორდი: გამყრელიძე საკოორდინაციო საბჭოს რეკომენდაციებით მიმართავს
14:37 27.07.2021 (განახლებულია: 18:12 17.08.2023) ქვეყანაში ეპიდვითარება შემაშფოთებელია, თუმცა, მეოთხე ტალღის პიკი ჯერ არ დამდგარა – მთავრობა მკაცრი „ლოკდაუნის“ გამოცხადებას არ გეგმავს
თბილისი, 27 ივლისი – Sputnik. საქართველოში ეპიდემიოლოგიური ვითარება მკვეთრად გაუარესდა – ერთ დღეში ინფიცირების იმაზე მეტი შემთხვევა დაფიქსირდა, ვიდრე მესამე ტალღის პიკის დროს, განაცხადა ჟურნალისტებთან დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.
გამყრელიძის თქმით, ერთადერთი განსხვავება ინფექციის გავრცელების წინა ტალღებისგან არის ის, რომ ახლა მოსახლეობის ვაქცინაცია შესაძლებელია.
გამყრელიძის თქმით, საქართველოში 26 ივლისს ვაქცინაციის ყველაზე მაღალი მაჩვენებელი დაფიქსირდა – ერთ დღეში 13,8 ათასი ადამიანი აიცრა. დღეს ვაქცინის გაკეთებას 14,3 ათასი მოქალაქე გეგმავს – უმრავლესობამ Pfizer აირჩია, შემდეგ მოდის Sinopharm, AstraZeneca და ბოლოს Sinovac.
ქვეყნის მთავარი ეპიდემიოლოგის თქმით, ეპიდვითარების გაუარესებიდან გამომდინარე, კიდევ უფრო გამკაცრდება კონტროლი ხალხმრავალი ქორწილებისა და ქელეხების გამართვასთან დაკავშირებით. გამყრელიძე საზოგადოებას ვაქცინაციის პროცესში აქტიური ჩართვისკენ მოუწოდებს.
„თუ რეკომენდაციებს ყველა შევასრულებთ, არ წავალთ ქორწილებში, არ მივიღებთ მონაწილეობას დიდი ღონისძიებებზე, დიდი შეკრებებით არ აღვნიშნავთ უნივერსიტეტის ან სკოლის დამთავრებას, უარს ვიტყვით მუსიკალურ ფესტივალებზე წასვლაზე, სადაც ათასობით ადამიანი იკრიბება იქნება ეს ლისის, კუს ტბა თუ სხვა ადგილი, თუ გავაცნობიერებთ, რომ ჩვენ ცეცხლს ვეთამაშებით, მაშინ ამდენი შემთხვევა არ გვექნება“, – განაცხადა გამყრელიძემ.
მან კიდევ ერთხელ შეახსენა მოსახლეობას, რომ ღია სივრცეებში, იქ სადაც ბევრი ადამიანი იკრიბება, აუცილებელია პირბადის ტარება, წინასაარჩევნო პერიოდში კი პირბადის ტარება აუცილებელი რეკომენდაცია იქნება.
მთავარი ეპიდემიოლოგი აუცილებლობად მიიჩნევს ქვეყნის საზღვრებზე დამატებითი კონტროლის შემოღებას, რათა საეჭვო შემთხვევების იდენტიფიცირება დროულად მოხდეს.
ასევე რეკომენდაციაა გაცემული ინფიცირებულთათვის სასტუმროებში საკმარისი ადგილების გამოყოფაზე, რათა მოხდეს მათი იზოლირება და ინფიცირების ჯაჭვის დროულად გაწყვეტა.
გამყრელიძის თქმით, მიუხედავად გართულებული ეპიდვითარებისა, ქვეყანაში მკაცრი „ლოკდაუნის“ შემოღება არ იგეგმება.
„ინფიცირების ასეთი ზრდა დაკავშირებულია როგორც ახალი შტამების გავრცელებასთან, ისე მთლიანობაში ვირუსის ცირკულირებასთან. რაც შეეხება საკითხს, შემოვიღებთ თუ არა მკაცრ „ლოკდაუნს“, ამ ეტაპზე საკოორდინაციო საბჭო მკაცრ „ლოკდაუნს“ არ განიხილავს. განიხილება იმ შეზღუდვების მაქსიმალურ აღსრულებაზე კონტროლი, რაც დღეს მოქმედებს“, – განაცხადა გამყრელიძემ.
საქართველოში ბოლო დღე–ღამეში კორონავირუსის 3.666 ახალი შემთხვევა გამოვლინდა.
პანდემიიდან დღემდე გამოვლინდა ინფიცირების 407 ათასზე მეტი შემთხვევა, გამოჯანმრთელდა 376 ათასზე მეტი პირი, გარდაიცვალა 5.731.
