https://sputnik-georgia.com/20210727/saqartveloshi-delta-plusis-axali-shtami-gamovlinda-252433379.html
საქართველოში კორონავირუსის ახალი შტამის - „დელტა პლუსის“ შემთხვევები გამოვლინდა
საქართველოში კორონავირუსის ახალი შტამის - „დელტა პლუსის“ შემთხვევები გამოვლინდა
Sputnik საქართველო
ვირუსის ახალი ვარიანტი ისევე როგორც ე.წ. ინდური შტამი სხვა ვარიანტებთან შედარებით მარტივად ვრცელდება და აქვს უფრო რთული მიმდინარეობა, აცხადებენ სპეციალისტები. 27.07.2021-ს, Sputnik საქართველო
2021-07-27T13:09+0400
2021-07-27T13:09+0400
2023-08-17T18:12+0400
ახალი ამბები
საზოგადოება
საქართველო
covid-19
https://cdnn1.img.sputnik-georgia.com/img/07e5/02/08/250824322_0:160:3073:1888_1920x0_80_0_0_d155cc9ddebca5fb9bf60834090cea3f.jpg
თბილისი, 27 ივლისი - Sputnik. საქართველოში კორონავირუსის ახალი მუტირებული ვარიანტის, „დელტა პლუსის“ ორი ახალი შემთხვევა გამოვლინდა, განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ დღეს გამართულ ბრიფინგზე. „დელტა-პლუსი“ ე.წ. ინდური შტამის ქვეშტამია, რომელიც ინდოეთში პირველად 2020 წლის ოქტომბერში დაფიქსირდა. იგი კიდევ უფრო აგრესიული და საშიშია ვიდრე თავდაპირველი „დელტა“ ვარიანტი.„საქართველოში კოვიდ–ინფიცირების შემთხვევების დაახლოებით 40–50% „დელტა“ შტამითაა გამოწვეული. მათ შორისაა ე.წ. „დელტა პლუსი“, რომელსაც აქვს ერთი დამატებითი მუტაცია. „დელტა პლუსის“ ორივე შემთხვევა ლუგარის ლაბორატორიაში უკვე სეკვენირებითაა დადასტურებული. ამ ეტაპზე მხოლოდ ისაა ცნობილი, რომ ისევე როგორც „დელტა“, აღნიშნული ქვეშტამიც ადვილად გადამდებია“, - აღნიშნა გამყრელიძემ.საქართველოში „ინდური" შტამის პირველი შემთხვევა ლაბორატორიულად 27 მაისს დაფიქსირდა.„ინდური შტამის" გავრცელების ტემპი კორონავირუსის მუტაციის შემდეგ გაიზარდა, რადგან ის იოლად უმკლავდება ანტისხეულებს, რომლებიც წარმოიქმნება აცრის შემდეგ, ან ბუნებრივი გზით იმ ადამიანების ორგანიზმში, რომლებმაც უკვე გადაიტანეს COVID-19.საქართველოში ამ ეტაპზე ე.წ. ინდური („დელტა") და ბრიტანული შტამები ცირკულირებს. „დელტა" შტამი ყველაზე მეტად ბავშვებსა და ახალგაზრდებში ვრცელდება და იგი 50%-ით უფრო ვერაგია „ბრიტანულ" შტამთან შედარებით.ეპიდემიოლოგების პროგნოზით, საქართველოში კორონავირუსის მეოთხე ტალღის პიკი აგვისტოშია მოსალოდნელი, როდესაც ე.წ. „ინდური" შტამი „ბრიტანულს" მთლიანად ჩაანაცვლებს.
https://sputnik-georgia.com/20210726/Pfizer-pirveli-dozit-vaqcinacia-dgeidan-iwyeba-252420443.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საზოგადოება, საქართველო, covid-19
ახალი ამბები, საზოგადოება, საქართველო, covid-19
საქართველოში კორონავირუსის ახალი შტამის - „დელტა პლუსის“ შემთხვევები გამოვლინდა
13:09 27.07.2021 (განახლებულია: 18:12 17.08.2023) ვირუსის ახალი ვარიანტი ისევე როგორც ე.წ. ინდური შტამი სხვა ვარიანტებთან შედარებით მარტივად ვრცელდება და აქვს უფრო რთული მიმდინარეობა, აცხადებენ სპეციალისტები.
თბილისი, 27 ივლისი - Sputnik. საქართველოში კორონავირუსის ახალი მუტირებული ვარიანტის, „დელტა პლუსის“ ორი ახალი შემთხვევა გამოვლინდა, განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ დღეს გამართულ ბრიფინგზე.
„დელტა-პლუსი“ ე.წ. ინდური შტამის ქვეშტამია, რომელიც ინდოეთში პირველად 2020 წლის ოქტომბერში დაფიქსირდა. იგი კიდევ უფრო აგრესიული და საშიშია ვიდრე თავდაპირველი „დელტა“ ვარიანტი.
„საქართველოში კოვიდ–ინფიცირების შემთხვევების დაახლოებით 40–50% „დელტა“ შტამითაა გამოწვეული. მათ შორისაა ე.წ. „დელტა პლუსი“, რომელსაც აქვს ერთი დამატებითი მუტაცია. „დელტა პლუსის“ ორივე შემთხვევა ლუგარის ლაბორატორიაში უკვე სეკვენირებითაა დადასტურებული. ამ ეტაპზე მხოლოდ ისაა ცნობილი, რომ ისევე როგორც „დელტა“, აღნიშნული ქვეშტამიც ადვილად გადამდებია“, - აღნიშნა გამყრელიძემ.
საქართველოში „ინდური" შტამის პირველი შემთხვევა ლაბორატორიულად 27 მაისს დაფიქსირდა.
„ინდური შტამის" გავრცელების ტემპი კორონავირუსის მუტაციის შემდეგ გაიზარდა, რადგან ის იოლად უმკლავდება ანტისხეულებს, რომლებიც წარმოიქმნება აცრის შემდეგ, ან ბუნებრივი გზით იმ ადამიანების ორგანიზმში, რომლებმაც უკვე გადაიტანეს COVID-19.
საქართველოში ამ ეტაპზე ე.წ. ინდური („დელტა") და ბრიტანული შტამები ცირკულირებს. „დელტა" შტამი ყველაზე მეტად ბავშვებსა და ახალგაზრდებში ვრცელდება და იგი 50%-ით უფრო ვერაგია „ბრიტანულ" შტამთან შედარებით.
ეპიდემიოლოგების პროგნოზით, საქართველოში კორონავირუსის მეოთხე ტალღის პიკი აგვისტოშია მოსალოდნელი, როდესაც ე.წ. „ინდური" შტამი „ბრიტანულს" მთლიანად ჩაანაცვლებს.
