08:27 03 აგვისტო 2021
პირდაპირი ეთერი
  • EUR3.6906
  • 100 RUB4.2578
  • USD3.1042
საზოგადოება
მოკლე ბმულის მიღება
ჟურნალისტ ლექსო ლაშქარავას გარდაცვალება: ვერსიები და რეაქციები (46)
57 0 0

მომიტინგეებმა კიდევ ერთხელ მოითხოვეს პრემიერ-მინისტრ ირაკლი ღარიბაშვილის და მისი მთავრობის გადადგომა.

თბილისი, 11 ივლისი – Sputnik. „ტვ პირველის“ ოპერატორის, ლექსო ლაშქარავას გარდაცვალებასთან დაკავშირებით საპროტესტო აქცია პარლამენტთან დასრულდა, მომიტინგეებმა მსვლელობით მთავრობის ადმინისტრაციასთან გადაინაცვლეს.

ადგილზე საკმაოდ ბევრი სამართალდამცველია მობილიზებული.

მომიტინგეებმა კიდევ ერთხელ მოითხოვეს პრემიერ-მინისტრ ირაკლი ღარიბაშვილის და მისი მთავრობის გადადგომა.

აქციის ჩატარება მას შემდეგ გადაწყდა, როცა დილით 5 ივლისს თბილისში განვითარებული მოვლენების გაშუქებისას სასტიკად ნაცემი „ტვ პირველის“ ოპერატორი ალექსანდრე ლაშქარავა გარდაცვლილი იპოვეს. ექვსი დღის წინ მას ლგბტ-თემის მოწინააღმდეგეები გაუსწორდნენ. მას სახის ძვლების მოტეხილობები აღენიშნებოდა. იმ დღესვე მას ოპერაცია ჩაუტარდა. ბოლო დღეები მან სახლში გაატარა, შაბათს კი ის „ტვ პირველის“ დღის ეთერის ერთ-ერთი სტუმარი იყო და 5 ივლისის მოვლენებს იხსენებდა.

სისხლის სამართლის საქმე თვითმკვლელობამდე მიყვანის მუხლით არის აღძრული - ცხედარზე ძალადობრივი სიკვდილის აშკარა ნიშნების არარსებობის შემთხვევაში ეს სტანდარტული პროცედურაა. არ არის გამორიცხული, რომ მოგვიანებით საქმის კვალიფიკაცია შეიცვალოს.

 

თემები:
ჟურნალისტ ლექსო ლაშქარავას გარდაცვალება: ვერსიები და რეაქციები (46)

მთავარი თემები