გამყრელიძე: საქართველო ზაფხულში 2,3 მილიონზე მეტ ვაქცინას მიიღებს

© REUTERS / CARLOS OSORIO Pfizer
 Pfizer - Sputnik საქართველო, 1920, 02.06.2021
გამოწერა
საქართველო მიიღებს 0,5 მილიონ დოზა Sinopharm-ს, 1 მლნ დოზას Pfizer-ის ვაქცინას, 700 ათას Novavax-ის ვაქცინას და 130 ათასამდე დოზას Johnson&Johnson-ის ვაქცინას, განაცხადა დაავადებათა კონტროლის ცენტრის დირექტორმა.

თბილისი, 2 ივნისი – Sputnik. საქართველო მესამე კვარტალში ოთხი სხვადასხვა ვაქცინის 2,33 მილიონ დოზას მიიღებს, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

ვაქცინაცია - Sputnik საქართველო, 1920, 02.06.2021
რატომაა საქართველოში COVID-19-ით გარდაცვალების მაღალი მაჩვენებელი: სპეციალისტის განმარტება

მისი თქმით, ამ დროისთვის ქვეყანაში ვაქცინების მარაგი დაახლოებით 160 ათასამდე დოზას შეადგენს.

„ივნისის ბოლოს, ივლისის პირველ რიცხვებში ქვეყანა დაახლოებით ნახევარ მილიონ Sinopharm-ს მიიღებს. ასევე მესამე კვარტალში განსაზღვრულია უკვე Pfizer-ის მილიონი დოზის მიღება და ასევე დაახლოებით მესამე კვარტალში COVAX-მაც დაადასტურა 700 ათასი Novavax-ის და დაახლოებით 130 ათასამდე Johnson&Johnson მოწოდება“, - განაცხადა გამყრელიძემ.

მისი თქმით, მიმდინარე წლის მესამე კვარტალში უკვე განსაზღვრულია მასობრივი, ინტენსიური აცრები და დღეში დაახლოებით 15-16 ათასი ადამიანი უნდა აიცრას.

ბოლო მონაცემებით, საქართველოში კორონავირუსის საწინააღმდეგო აცრა 149.191-მა ადამიანმა გაიკეთა. მათგან 33.718 ორივე დოზითაა აცრილი.

ქვეყანაში ვაქცინაცია მიმდინარეობს AstraZeneca-ს, Pfizer-ის, Sinopharm-ისა და Sinovac-ის ვაქცინებით.

ყველა ახალი ამბავი
0