იუსტიციის სამინისტროში საკადრო ცვლილებები განხორციელდა

© photo: Sputnik / Stringerსაქართველოს იუსტიციის სამინისტრო
საქართველოს იუსტიციის სამინისტრო - Sputnik საქართველო, 1920, 11.05.2021
გამოწერა
სპეციალურ პენიტენციურ სამსახურს ამ დრომდე გიორგი პატარიძე ხელმძღვანელობდა. იუსტიციის მინისტრმა ასევე წარადგინა სპეციალური მრჩეველი.

თბილისი, 11 მაისი – Sputnik. საქართველოს იუსტიციის სამინისტროს სპეციალურ პენიტენციურ სამსახურს ნიკა ცხვარაშვილი უხელმძღვანელებს, მისი მოადგილის პოსტს კი გიორგი გიორგაძე დაიკავებს, იუწყება საქართველოს იუსტიციის სამინისტრო.

ნიკა ცხვარაშვილმა სპეციალური პენიტენციური სამსახურის გენერალური დირექტორის პოსტზე გიორგი პატარიძე შეცვალა, რომელიც აღნიშნულ თანამდებობას 2018 წლის ოქტომბრიდან იკავებდა.

იუსტიციის მინისტრის რატი ბრეგაძის განცხადებით, ნიკა ცხვარაშვილი პენიტენციურ სისტემაში გამოცდილი კადრია, რაც უწყებას უფრო ეფექტურს გახდის. მან ასევე სამომავლო გეგმებზე ისაუბრა და აღნიშნა, რომ უწყების მთავარი პრიორიტეტი თანამშრომელთა პირობების გაუმჯობესება და ახალი რეფორმების განხორციელებაა.

გორი - Sputnik საქართველო, 1920, 11.05.2021
საკადრო წმენდა რეგიონებში – გორსა და ხაშურში მერების მოადგილეები გაათავისუფლეს

რატი ბრეგაძემ ასევე სპეციალურ მრჩევლად ცნობილი სამართალმცოდნე მინდია უგრეხელიძე წარადგინა. აღსანიშნავია, რომ ეს უგრეხელიძისთვის პირველი თანამდებობაა აღმასრულებელ ხელისუფლებაში.

როგორც თავად მინდია უგრეხელიძე აცხადებს, ის მზად არის საკუთარი მრავალწლიანი გამოცდილება სამინისტროს გუნდს სრულად გაუზიაროს.

79 წლის მინდია უგრეხელიძე წარსულში იყო საქართველოს რესპუბლიკის უზენაესი საბჭოს (პარლამენტის) დეპუტატი (1990), საქართველოს უზენაესი სასამართლოს თავმჯდომარე (1990-1999), ადამიანის უფლებათა ევროპულ სასამართლოში პირველი ქართველი მოსამართლე (1999-2009), „იურისტთა მსოფლიო ასოციაციისა“ და „სისხლის სამართლის საერთაშორისო ასოციაციის“ წევრი და 2009 წლიდან ევროსაბჭოს სისტემაში მოქმედი თბილისის პოლიტიკური სკოლის ექსპერტი.

მინდია უგრეხელიძეს ეკუთვნის ლექციათა კურსი სისხლის სამართლის, კრიმინოლოგიის, სამართლის პოლიტიკის, საერთაშორისო სისხლის სამართლისა და ეროვნული კანონმდებლობის მოდელირების პრობლემებზე.

ყველა ახალი ამბავი
0