18:17 14 მაისი 2021
პირდაპირი ეთერი
  • EUR4.1366
  • 100 RUB4.6046
  • USD3.4283
საზოგადოება
მოკლე ბმულის მიღება
კორონავირუსი საქართველოში: ბოლო ცნობები (669)
259 0 0

ამ დროისათვის ჯანდაცვის სამინისტროს სპეციალურ პორტალზე ვაქცინაციისთვის დაახლოებით 60 ათასი ადამიანია რეგისტრირებული.

თბილისი, 27 აპრილი – Sputnik. საქართველოში 27 აპრილიდან ჩინურ ვაქცინაზე რეგისტრაცია იწყება.

Sinopharm-ის პრეპარატით აცრა უკვე 4 მაისიდან იქნება შესაძლებელი.

კოორნავირუსის საწინააღმდეგო რომელ ვაქციანას ანიჭებს უპირატესობას საქართველოს მოსახლოება>>

საქართველომ უკვე მიიღო ჩინური ვაქცინის 100 ათასი დოზა. მართალია, მას ჯანმოს ავტორიზაცია ჯერ არ გაუვლია, მაგრამ ამ ვაქცინით მსოფლიოში უკვე 150 მლნ ადამიანია აცრილი. აქედან გამომდინარე, ხელისუფლებამ მიიღო საქართველოში მისი გამოყენების გადაწყვეტილება. უახლოეს პერიოდში ქვეყანა მიიღებს მეორე ჩინურ ვაქცინას Sinovac (100 ათასი დოზა) და ივნის–ივლისში – Sinopharm-ის დამატებით დოზას (0,5 მლნ დოზა).

როგორც უფრო ადრე საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ განაცხადა, ჩინური Sinopharm-ით გარკვეული კატეგორიის მოქალაქეები აიცრებიან. მათ შორის შეიძლება იყვნენ მასწავლებლები, საბავშვო ბაღების აღმზრდელები, პოლიციელები, იუსტიციის სახლების თანამშრომლები.

სპეციალისტების თქმით, საქართველოს 3,5–3,9 მლნ დოზა ვაქცინა სჭირდება იმისთვის, რომ პრეპარატის ორი დოზა 1,7 მილიონმა ადამიანმა მიიღოს.

27 აპრილის დილის მონაცემებით, საქართველოში კორონავირუსის ვაქცინაციაზე დარეგისტრირებულია 59 ათასზე მეტი ადამიანი. მათგან უმეტესობამ Pfizer-ის ვაქცინა აირჩია, შემდეგ მოდის Moderna, AstraZeneca, Jonson&Jonson, Novovax. რაც შეეხება ჩინურ Sinopharm-ს, ამ პრეპარატით აცრის სურვილი 3.153-მა ადამიანმა გამოთქვა, ხოლო მეორე ჩინური ვაქცინა Sinovac-ით – 698-მა.

საქართველოში კოვიდ-პასპორტები შემოდის>>

საქართველოს ჯანდაცვის სამინისტრომ ვაქცინაციაზე წინასწარი რეგისტრაციის პორტალი აამუშავა, სადაც შესაძლებელია რეგისტრაციის გავლა და სასურველი ვაქცინის არჩევა: https://www.moh.gov.ge/covid-chart/register/welcome.

საქართველოში კორონავირუსზე ვაქცინაცია 15 მარტს დაიწყო. ამ დროისთვის აცრილია 40 ათასზე მეტი ადამიანი.

თემები:
კორონავირუსი საქართველოში: ბოლო ცნობები (669)

მთავარი თემები