თბილისის და ბათუმის აეროპორტებში ახალი ავიარეისები დაინიშნა

© photo: Sputnik / Stringerთბილისის აეროპორტი
თბილისის აეროპორტი - Sputnik საქართველო, 1920, 02.03.2021
გამოწერა
საქართველოს ხელისუფლებამ საჰაერო საზღვრები უცხოელებისთვის 1 თებერვლიდან გახსნა. სახმელეთო და საზღვაო საზღვრები კვლავ დაკეტილია.

თბილისი, 2 მარტი – Sputnik. აეროპორტების მმართველი კომპანია „ტავ ჯორჯია" (TAV Georgia) თბილისისა და ბათუმის საერთაშორისო აეროპორტებში ფრენებთან დაკავშირებული სიახლეების თაობაზე ინფორმაციას ავრცელებს.

თბილისის საერთაშორისო აეროპორტი:

  • ბაქო-თბილისი-ბაქო - 21 მარტიდან 30 ოქტომბრის ჩათვლით, ყოველ სამშაბათს, პარასკევს, შაბათსა და კვირას (Azerbaijan Airways),
  • ელ ქუვეითი-თბილისი-ელ ქუვეითი - 28 მარტიდან 30 ოქტომბრის ჩათვლით, ყოველ სამშაბათს, ხუთშაბათსა და შაბათს (Jazeera Airways),
  • დუბაი-თბილისი-დუბაი - 28 მარტიდან 10 ოქტომბრის ჩათვლით ყოველდღიური ფრენები შესრულდება (FlyDubai),
  • კიევი-თბილისი-კიევი - 28 მარტიდან 10 ოქტომბრის ჩავთვლით ყოველდღიური ფრენები შესრულდება (Skyup).

ბათუმის საერთაშორისო აეროპორტი:

  • სტამბოლი - ბათუმი - სტამბოლი - 3 მარტიდან-27 მარტის ჩათვლით, ყოველ ოთხშაბათსა და შაბათს (Turkish Airlines),
  • მინსკი-ბათუმი-მინსკი - 28 მარტიდან 30 აპრილის ჩათვლით, ყოველ ოთხშაბათს, პარასკევსა და კვირას (Belavia).

გარდა ამისა, დღესვე ცნობილი გახდა, რომ 16 მარტიდან შესრულდება ავიარეისები ალმათი–თბილისი–ალმათის მიმართულებით.

აეროპორტი - Sputnik საქართველო, 1920, 02.03.2021
საქართველოსა და ყაზახეთს შორის ავიამიმოსვლა აღდგება

საქართველოს მთავრობამ 2021 წლის 1 თებერვლიდან რეგულარული ავიაფრენების ყველა მიმართულებით აღდგენის გადაწყვეტილება მიიღო. არაერთია ავიაკომპანია უკვე მზადაა ფრენების განსაახლებლად.

კორონავირუსული პანდემიის გამო საქართველომ 2020 წლის მარტიდან ჩაკეტა საზღვრები — ზოგი გამონაკლისით. კერძოდ, ქვეყნის საზღვრების გადმოკვეთა ნებადართული იყო საქართველოს მოქალაქეებისა და ტვირთების ტრანზიტული გადამზიდველებითვის.

ასევე გაუქმებული იყო რეგულარული ავიამიმოსვლა ყველა მიმართულებით. ხორციელდებოდა მხოლოდ სპეცრეისები, რომლებითაც საქართველოს მოქალაქეები ბრუნდებოდნენ შინ, ან უცხოელები მიფრინავდნენ საკუთარ ქვეყნებში.

ყატარის ავიახაზების თვითმფრინავი - Sputnik საქართველო, 1920, 11.02.2021
ავიაკომპანია Qatar Airways საქართველოში რეგულარულ ფრენებს გაანახლებს

გასული წლის ზაფხულის შუა პერიოდიდან რეგულარული რეისების აღდგენა დაიწყო. პირველ რიგში ფრენები განახლდა მიუნხენის, რიგისა და პარიზის მიმართულებით. ნოემბრიდან ამ ჩამონათვალს დაემატა ამსტერდამი, ვენა, ბერლინი და დოჰა. თუმცა, ეპიდემიოლოგიური ვითარების გაუარესებიდან გამომდინარე, ავიამიმოსვლის აკრძალვა 1 თებერვლამდე გახანგრძლივდა.სახმელეთო და საზღვაო საზღვრები კვლავ დაკეტილია.

1 მარტიდან რუსეთის, სომხეთის, აზერბაიჯანის, ბელარუსის, უკრაინისა და ყაზახეთის მოქალაქეებს საქართველოში ჩამოსვლა ვაქცინაციის გარეშე შეუძლიათ. საქართველოს მთავრობის გადაწყვეტილებით, ამ ქვეყნების მოქალაქეებმა საქართველოში ჩამოფრენისას თან უნდა იქონიონ PCR-ტესტის უარყოფითი პასუხი.

 

ყველა ახალი ამბავი
0