08:06 22 იანვარი 2021
პირდაპირი ეთერი
  • EUR4.0064
  • 100 RUB4.4826
  • USD3.3010
საზოგადოება
მოკლე ბმულის მიღება
განათლება საქართველოში (357)
71 0 0

სტუდენტების აქციას საქართველოს პარლამენტის წინ მხარი დაუჭირა მოძრაობის „ხალხისთვის“ ლიდერმა ანა დოლიძემ. მან მათ მხარდასაჭერად პეტიციაც შექმნა, რომელსაც უკვე მოაწერა ხელი 10 ათასზე მეტმა სტუდენტმა.

თბილისი, 13 იანვარი – Sputnik. სტუდენტებმა, რომლებსაც სტატუსი სწავლის საფასურის გადაუხდელობის გამო შეუჩერეს, მოძრაობის „ხალხისთვის“ ლიდერ ანა დოლიძესთან ერთად საქართველოს პარლამენტის წინ აქცია–პერფორმანსი მოაწყვეს.

Акция протеста студентов и Движения для народа в защиту прав учащихся 13 января 2021 года
© Sputnik / Alex Shlamov
სტუდენტების აქცია

აქციაზე მათ მხარდასაჭერად მათი თანატოლები მივიდნენ.

ანა დოლიძის განცხადებით, ფინანსური კრიზისის გამო იმ სტუდენტების რაოდენობა, ვისაც სტატუსი შეუჩერდა, რეკორდულად მაღალია. ამ საკითხს მან „სერიოზული სოციალური პრობლემა“ უწოდა, რადგან ქვეყანაში ყოველი მეორე სტუდენტი ფინანსური სიდუხჭირის გამო განათლების გარეშე რჩება.

„ერთი თვის წინ მივმართე განათლების კომიტეტს და პარლამენტს საკანონმდებლო ინიციატივით, რომ გადაჭრან ეს სოციალური პრობლემა. სამწუხაროდ, ამ შენობის მობინადრეები არიან ჩაკეტილები და პასუხი საკანონმდებლო წინადადებაზე დღემდე არ მიგვიღია“, – განაცხადა დოლიძემ.

მან კიდევ ერთხელ მოითხოვა განათლების კომიტეტის სხდომის მოწვევა 18 იანვარს და მისი ღია რეჟიმში ჩატარება, რათა მასში მონაწილეობის მიღება შეძლონ მასწავლებლებმა და სტუდენტებმა.

Анна Долидзе. Акция протеста студентов и Движения для народа в защиту прав учащихся 13 января 2021 года
© Sputnik / Alex Shlamov
ანა დოლიძე სტუდენტების აქციაზე

სტუდენტებმა ანა დოლიძესთან და „პროგრესის ცენტრთან“ ერთად საპროტესტო აქცია უკვე რამდენჯერმე გამართეს. მათ მიმართეს განათლების, მეცნიერებისა და კულტურის საპარლამენტო კომიტეტს საპარლამენტო ინიციატივით. დოლიძემ შექმნა პეტიცია, რომელსაც ხელი უკვე 10 ათასმა ადამიანმა მოაწერა, და ორი მოთხოვნა წამოაყენა – აღუდგეთ სტატუსშეჩერებულ სტუდენტებს სწავლის უფლება და განახევრდეს სწავლის გადასახადი.

თემები:
განათლება საქართველოში (357)

მთავარი თემები