ქსნის პენიტენციური დაწესებულების პატიმარი კორონავირუსით გარდაიცვალა

© photo: Sputnik / Ilya Pitalev / გადასვლა მედიაბანკშიპულსომეტრი პაციენტის თითზე
პულსომეტრი პაციენტის თითზე  - Sputnik საქართველო
გამოწერა
ქსნის №15 პენიტენციური დაწესებულების პატიმარი, რომელიც კორონავირუსით იყო ინფიცირებული, სამოქალაქო კლინიკაში გადაყვანის შემდეგ გარდაიცვალა.

თბილისი, 6 იანვარი — Sputnik. ქსნის პენიტენციური დაწესებულების ერთი პატიმარი კორონავირუსით გარდაიცვალა, განაცხადა საქართველოს იუსტიციის მინისტრმა გოჩა ლორთქიფანიძემ ბრიფინგზე.

ბათუმში კორონავირუსით 21 წლის გოგონა გარდაიცვალა - Sputnik საქართველო
ბათუმში კორონავირუსით 21 წლის გოგონა გარდაიცვალა

ლორთქიფანიძის ინფორმაციით, პატიმარი სიმპტომების აღმოჩენისთანავე სამოქალაქო კლინიკაში გადაიყვანეს, თუმცა მედიკოსებმა მისი გადარჩენა ვერ შეძლეს.

„[პატიმარს] სამოქალაქო კლინიკაში უკვე მე-7 დღეს უფრო დაუმძიმდა მდგომარეობა. შემდეგ, როგორც არის ჩვეულებრივ გათვალისწინებული პრაქტიკით, მოხდა აქტირება (ჯანმრთელობის მდგომარეობის გამო პატიმრობიდან გათავისუფლება - რედ.), ის გათავისუფლდა და სამოქალაქო კლინიკაში გარდაიცვალა", — განაცხადა ლორთქიფანიძემ.

კორონავირუსის გავრცელების პრევენციის მიზნით პენიტენციურ დაწესებულებებში შეზღუდვები მოქმედებს. ეპიდსიტუაციიდან გამომდინარე, 28 ნოემბრიდან ბრალდებულებსა და მსჯავრდებულებს ხანმოკლე პაემნით სარგებლობის შესაძლებლობა 2021 წლის 31 იანვრის ჩათვლით შეუჩერდათ.

საქართველოში ბოლო დღე-ღამის განმავლობში კორონავირუსით 20 ადამიანი გარდაიცვალა, გარდაცვლილთა საერთო რაოდენობამ 2.666-ს მიაღწია.

 

ყველა ახალი ამბავი
0