23:16 28 თებერვალი 2021
პირდაპირი ეთერი
  • EUR4.0322
  • 100 RUB4.4633
  • USD3.3255
საზოგადოება
მოკლე ბმულის მიღება
COVID-19 საქართველოში (2862)
49 0 0

ამ დრომდე ქვეყნის ჯანდაცვის სისტემა გართულებულ ეპიდვითარებას მაქსიმალურად უმკლავდებოდა, აღნიშნავენ უწყებაში.

თბილისი, 16 დეკემბერი – Sputnik. საქართველოს ჰოსპიტალური სექტორი ბოლო ორი თვის განმავლობაში მაქსიმალური დატვირთვით მუშაობს და იმ შემთხვევაში, თუ 2021 წლის იანვარში ეპიდვითარება კიდევ უფრო გართულდება, სისტემას გაუჭირდება გამკლავება, განაცხადა ჯანდაცვის მინისტრის მოადგილემ თამარ გაბუნიამ. 

მისი თქმით, შეზღუდვების შემსუბუქებასთან დაკავშირებით გადაწყვეტილების მიღებისას სიფრთხილეა საჭირო. სპეციალისტები ქვეყანაში შექმნილ ეპიდვითარებას დააკვირდებიან და გადაწყვეტილება აქედან გამომდინარე იქნება მიღებული, დასძინა გაბუნიამ.

ეპიდვითარების მცირე სტაბილიზაცია საწოლფონდზეც აისახა. 16 დეკემბრის დილის მონაცემებით, საქართველოს ჰოსპიტალურ სექტორში ინფიცირებული პაციენტებისთვის 700 თავისუფალი ადგილია.

საქართველოში მოსახლეობის ინტენსიური ტესტირების პროცესი გრძელდება. ბოლო დღე-ღამეში 17 ათასზე მეტი ტესტი ჩატარდა და ინფიცირების 3.487 ახალი შემთხვევა გამოვლინდა. პანდემიის დაწყებიდან ქვეყანაში კორონავირუსის 198 ათასზე მეტი შემთხვევა დაფიქსირდა, 167 ათასზე მეტი გამოჯანმრთელდა, 1.922 გარდაიცვალა.

საქართველოში კორონავირუსის პირველი შემთხვევა 26 თებერვალს დაფიქსირდა.

თემები:
COVID-19 საქართველოში (2862)

მთავარი თემები