14:02 17 იანვარი 2021
პირდაპირი ეთერი
  • EUR4.0033
  • 100 RUB4.4956
  • USD3.2987
საზოგადოება
მოკლე ბმულის მიღება
COVID-19 საქართველოში (2862)
63 0 0

საჩხერეში სულ ოთხი სასწრაფო დახმარების ბრიგადა მუშაობდა, აქედან სამის თანამშრომლებს კორონავირუსი დაუდასტურდა. ამ დროისათვის ფუნქციონირებს მხოლოდ ერთი ბრიგადა

თბილისი, 6 დეკემბერი - Sputnik. საჩხერეში სასწრაფო სამედიცინო დახმარების ცენტრის 24 თანამშრომელს კორონავირუსი დაუდასტურდა, იუწყება პირველი არხი.

მათ ვირუსი გეგმური ტესტირების შედეგად გამოუვლინდათ.

თანამშრომლების ინფიცირების გამო, ამ დროისათვის სასწრაფოს ოთხი ჯგუფიდან მხოლოდ ერთი მუშაობს.

ინფიცირებული თანამშრომლების ნაწილი საცხოვრებელ სახლებში, ნაწილი კი კოვიდსასტუმროებში იმყოფება.

საქართველოში კორონავირუსის მეორე ტალღა მძვინვარებს. ახალი შემთხვევების რაოდენობა ყოველდღიურად უკვე 4 ათასს აჭარბებს.

ახალი კორონავირუსის  გავრცელების მაჩვენებლით იმერეთის რეგიონი დედაქალაქის შემდეგ მეორე ადგილზეა.

რეგიონში არსებულ კოვიდცენტრებში 1 200-ზე მეტი ადამიანი მკურნალობს.

180 პაციენტია მოთავსებული საჩხერის სამედიცინო ცენტრში, აქედან 55 პირი რეანიმაციულ განყოფილებაში იმყოფება.

თემები:
COVID-19 საქართველოში (2862)

მთავარი თემები