12:40 01 დეკემბერი 2020
პირდაპირი ეთერი
  • EUR3.9840
  • 100 RUB4.3704
  • USD3.3253
საზოგადოება
მოკლე ბმულის მიღება
საქართველოს საპარლამენტო არჩევნები 2020 (595)
122 0 0

ოპოზიციის წარმომადგენლებმა დღეს საპროტესტო აქცია სოლოლაკში, მმართველი პარტია „ქართული ოცნება - დემოკრატიული საქართველოს“ დამფუძნებლის, ბიძინა ივანიშვილის რეზიდენციასთანაც გამართეს.

თბილისი, 1 ნოემბერი – Sputnik.  საქართველოს პარლამენტის შენობის მიმდებარე ტერიტორიაზე აქციის მონაწილეებსა და სამართალდამცავებს შორის ფიზიკური დაპირისპირება მოხდა. 

გავრცელებული ინფორმაციით, აქციის მონაწილეები პარლამენტის წინ კარვების გაშლას აპირებენ, რის შესაძლებლობასაც  მათ პოლიცია არ აძლევს.

საქართველოს ოპოზიციური პარტიების ლიდერები და მათი მხარდამჭერები საკანონმდებლო ორგანოსთან დღეს, 16:00 საათზე შეიკრიბნენ – ისინი 2020 წლის საპარლამენტო არჩევნების არალეგიტიმურად ცნობას მოითხოვენ. 

საპროტესტო აქციაზე თითქმის ყველა ოპოზციური პარტიის ლიდერი იმყოფებოდა,  რომლებიც პარლამენტში შევიდნენ, გარდა „პატრიოტთა ალიანსის“ და პარტია „ალეკო ელისაშვილი – მოქალაქეები“.

ოპოზიციის წარმომადგენლებმა დღეს საპროტესტო აქცია სოლოლაკში, მმართველი პარტია „ქართული ოცნება - დემოკრატიული საქართველოს“ დამფუძნებლის, ბიძინა ივანიშვილის რეზიდენციასთანაც გამართეს. მათი თქმით, ისინი ყოველდღიურად  19:00 საათზე შეიკრიბებიან, ვიდრე ხელისუფლება განმეორებით კენჭისყრას არ დანიშნავს.

საქართველოს პარლამენტთან დაძაბული ვითარება ამ დრომდე გრძელდება.

ცესკო: დათვლილია ბიულეტენების 99 პროცენტზე მეტი>>>

ცესკოს წინასწარი მონაცემებით, ამ დროისთვის დათვლილია ამომრჩეველთა ხმების 99%–ზე  (პროპორციული სიები) მეტი, რომლის თანახმად ლიდერობს მმართველი პარტია – „ქართულმა ოცნებამ“  48,16% მიიღო, მთავარმა ოპოზიციურმა ძლამ, საარჩევნო ბლოკმა „ერთიანი ნაციონალური მოძრაობა – ძალა ერთობაშია“ – 27,012%. გავრცელებული ინფორმაციით, მეათე მოწვევის პარლამენტში შვიდი პარტია და ორი საარჩევნო ბლოკი მოხვდება.

ბოლო მონაცემებით, საქართველოს 30 მაჟორიტარული ოლქიდან მეორე ტური თბილისის რვა და რეგიონების შვიდ ოლქში ჩატარდება.

თემები:
საქართველოს საპარლამენტო არჩევნები 2020 (595)

მთავარი თემები