კორონავირუსი კიდევ ერთ ცნობილ ქართველ პოლიტიკოსს დაუდასტურდა

© Pixabay / fernandozhiminaicelaტესტი კორონავირუსზე
ტესტი კორონავირუსზე - Sputnik საქართველო
გამოწერა
პარლამენტის დეპუტატი ქუთაისში თვითიზოლაციის პირობებში მკურნალობს. ასევე ინფიცირებულია ოთარ კახიძის მეუღლეც.

თბილისი, 24 ოქტომბერი - Sputnik. ოპოზიციური პარტია „ევროპული საქართველოს“ წევრს, ოთარ კახიძეს კორონავირუსი დაუდასტურდა. ინფორმაციას დეპუტატი სოციალურ ქსელში თავად ავრცელებს.

© photo: Otar Kakhidze / FBოთარ კახიძე
კორონავირუსი კიდევ ერთ ცნობილ ქართველ პოლიტიკოსს დაუდასტურდა - Sputnik საქართველო
ოთარ კახიძე

კახიძის თქმით, მას ხველა, სიცხე და სახსრების ტკივილი აღენიშნება. ის ქუთაისში თვითიზოლაციის პირობებში მკურნალობს.

დეპუტატის ინფორმაციით, ვირუსი მის მეუღლესაც დაუდასტურდა.

„მოკლედ, კოვიდინფიცირებულებს მე და ნანუკაც შევუერთდით. ვირუსის კვალობაზე თავს ნორმალურად ვგრძნობთ. ატარეთ პირბადე და გაუფრთხილდით თქვენ გარშემო მყოფებს. ამ ვირუსს მალე მოვერევით“, - წერს კახიძე.
ამირან გამყრელიძე - Sputnik საქართველო
თუ გვაქვს სიმპტომები და არ ვიცით ოჯახის ექიმის ვინაობა - გამყრელიძის რეკომენდაცია

ოთარ კახიძის თქმით, მისი გუნდი ქუთაისში საარჩევნო კამპანიას ჯანდაცვის რეკომენდაციებით გააგრძელებს.

შეგახსენებთ, ოთარ კახიძე ქუთაისში „ევროპული საქართველოს“ მაჟორიტარი დეპუტატობის კანდიდატია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1 941-ით გაიზარდა და საერთო რიცხვმა 26 503-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 10163 ადამიანი, გარდაიცვალა – 193, კარანტინის რეჟიმში იმყოფება 4180, სტაციონარებში ექიმების დაკვირვების ქვეშ 3571 პაციენტია, ხოლო კოვიდ–სასტუმროებში 1848 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

 

ყველა ახალი ამბავი
0