„ლიცენზირებული ექიმების ნაკლებობაა“ – ჯანდაცვის მინისტრი მედპერსონალის დეფიციტზე საუბრობს

© Sputnik / Alex Shlamovეპიდემიოლოგი
ეპიდემიოლოგი - Sputnik საქართველო
გამოწერა
ქვეყანაში კორონავირუსის გამოვლენის დღეღამური მაჩვენებელი იზრდება. ბოლო 24 საათში ახალი ანტირეკორდი დაფიქსირდა – 919 ინფიცირებული.

თბილისი, 15 ოქტომბერი – Sputnik. საქართველოში COVID-19-თან ბრძოლაში ჩართული ლიცენზირებული ექიმების დეფიციტი შეიმჩნევა, განაცხადა საქართველოს ჯანდაცვის მინისტრმა ეკატერინე ტიკარაძემ. 

გიორგი გახარია - Sputnik საქართველო
გახარია: უახლოეს დღეებში კორონავირუსით ინფიცირების მაჩვენებელი 1000-ს გადააბიჯებს

მისი თქმით, სპეციალისტების ნაკლებობაა როგორც მაღალკვალიფიციური მედპერსონალის, ისე ექიმებში აუცილებელი ლიცენზიის ფლობის კუთხით.

„ჩვენ გვესაჭიროება არა მხოლოდ საწოლფონდი, ჩვენ უნდა გავითვალისწინოთ – რა შესაძლებლობა აქვს საქართველოს ექიმების კუთხით, რათა შესაძლებელი გახდეს პაციენტების მართვა. სწორედ ამის გამო ვცდილობთ მოვახდინოთ ვირუსის გავრცელების შეკავება. რადგან არსებობს იმის რისკი, რომ დაინფიცირებული ადამიანების ჯამური რაოდენობა იქნება დიდი“, – აღნიშნა ტიკარაძემ.

მთელი საქართველოს მასშტაბით ინფიცირებულთა მკურნალობის მიზნით კლინიკებსა და საკარანტინო ზონებში მობილიზებული იქნება დაახლოებით 10 ათასი საწოლი, დასძინა ტიკარაძემ.

COVID-19-ის რეკორდული მაჩვენებელი საქართველოში: შემთხვევები რეგიონების მიხედვით>>>

ქვეყანაში კორონავირუსის გამოვლენის დღეღამური მაჩვენებელი იზრდება. ბოლო 24 საათში ახალი ანტირეკორდი დაფიქსირდა – 919 ინფიცირებული. გუშინ ეს მაჩვენებელი 680 იყო.

ბოლო მონაცემებით, საქართველოში ახალი კორონავირუსით დაავადებულთა რაოდენობამ 14440-ს მიაღწია. სულ გამოჯანმრთელდა 7367 ადამიანი, გარდაიცვალა – 113, კარანტინის რეჟიმში იმყოფება 5792, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 1042 ადამიანი იმყოფება. ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

ყველა ახალი ამბავი
0