11:52 18 სექტემბერი 2020
პირდაპირი ეთერი
  • EUR3.7603
  • 100 RUB4.2518
  • USD3.1886
საზოგადოება
მოკლე ბმულის მიღება
COVID-19 საქართველოში (1727)
107 0 0

დღეს ბათუმში, ანბანის კოშკის მიმდებარე ტერიტორიაზე მესამე კარავს დადგამენ, სადაც თითოეულ მოქალაქეს PCR-ტესტის ჩატარების საშუალება ექნება.

თბილისი, 2 სექტემბერი — Sputnik. ახლა ყველამ იმაზე უნდა ვიზრუნოთ, რომ ბათუმში გართულებული ეპიდემიოლოგიური სიტუაცია არ გადაეცეს სხვა ქალაქებს, სადაც დამსვენებლები დაიწყებენ დაბრუნებას, განაცხადა საქართველოს პრემიერ-მინისტრმა გიორგი გახარიამ უწყებათაშორისი საბჭოს სხდომაზე.

დღეს საქართველოში კორონავირუსით ინფიცირების რეკორდული მაჩვენებელი დაფიქსირდა -38 შემთხვევა. აქედან 22 ბათუმში გამოვლინდა. ბოლოს მსგავსი მაღალი მაჩვენებელი 17 აპრილს დაფიქსირდა -34 შემთხვევა. ამ დროისთვის ინფიცირებულთა საერთო რაოდენობა 1548-ს შეადგენს.

მთავრობის მეთაურის თქმით, დღეს შექმნილი ეპიდემიოლოგიური მდგომარეობა მესტიის მუნიციპალიტეტსა და სოფელ ლენჯერში შეზღუდვების სრულად მოხსნის შესაძლებლობას იძლევა.

„მიუხედავად იმისა, რომ ბათუმში სიტუაცია შედარებით დამძიმდა, მესტია-ლენჯერის რაიონში ჩვენ მოსალოდნელი ეპიდაფეთქების გამკლავება და მისი ეფექტურად მართვა შევძელით. ამიტომაც დღეიდან აქ ყველანაირი შეზღუდვები უქმდება - ეპიდემიოლოგიური მდგომარეობა ამის შესაძლებლობას გვაძლევს", - განაცხადა გიორგი გახარიამ.

დღეს ბათუმში, ანბანის კოშკის მიმდებარე ტერიტორიაზე მესამე კარავს დადგამენ, სადაც თითოეულ მოქალაქეს PCR-ტესტის ჩატარების საშუალება ექნება.

კიდევ ერთი კარვის დადგმის გადაწყვეტილება მას შემდეგ იქნა მიღებული, რაც ბათუმში საკონდიტრო მაღაზია „დონას" კონსულტანტს კორონავირუსი დაუდასტურდა

თემები:
COVID-19 საქართველოში (1727)

მთავარი თემები