თბილისი, 6 ივლისი — Sputnik. თბილისში შარშან გარდაცვლილი ცნობილი ტელეწამყვანის გიორგი გოგიჩაიშვილის სახელობის ქუჩა გაიხსნა. ინფორმაციას სოციალურ ქსელში ნინი გოგიჩაიშვილი ავრცელებს.
ყველა ბნელ დღეს სინათლე მოსდევს, სევდას – სიხარული, მამის დატოვებული სიყვარული კი მარადიულია, წერს ნინი გოგიჩაიშვილი.
ცნობილი მსახიობი და ტელეწამყვანი გიორგი გოგიჩაიშვილი მძიმე ავადმყოფობის შემდეგ 2019 წლის ივლისში, 51 წლის ასაკში დაიღუპა. ბოლო წლებში მსახიობი სიმსივნეს ებრძოდა.