Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

მთავრობამ სოციალურად დაუცველი პირებისთვის დახმარება გამოყო: ვინ რამდენს მიიღებს

© photo: Sputnikასაკოვანი ადამიანები
ასაკოვანი ადამიანები - Sputnik საქართველო
გამოწერა
საქართველოში სოციალურად დაუცველთათვის ყოველთვიური დახმარების ოდენობა ოჯახის წევრების რაოდენობაზე იქნება დამოკიდებული

 

თბილისი, 29 აპრილი — Sputnik.  საქართველოს ჯანდაცვის სამინისტრომ სოციალურად დაუცველი და შეზღუდული შესაძლებლობების მქონე პირების დახმარების გადანაწილების პრინციპი გაასაჯაროვა. 

ფინანსთა სამინისტრო - Sputnik საქართველო
როგორ მიიღებენ დახმარებას თვითდასაქმებულები: რა უნდა ვიცოდეთ

მთავრობის ანტიკრიზისული გეგმის თანახმად, დასაქმებულებთან ერთად, სახელმწიფოს დახმარებას მიიღებენ სოციალურად დაუცველი ოჯახები, რომლებსაც 65 ათასიდან 100 ათასამდე სარეიტინგო ქულა აქვთ მიღებული და ასევე სამი და მეტი შვილის მქონე ოჯახები, რომელთაც 100 ათასამდე სარეიტინგო ქულა აქვს. გარდა ამისა, დახმარება გათვალისწინებულია მკვეთრად გამოხატული შეზღუდული შესაძლებლობების მქონე პირებისთვისაც.

როგორ გადანაწილდება დახმარება

სოციალურად დაუცველი ოჯახებისთვის, რომლებსაც 65 ათასიდან 100 ათასამდე სარეიტინგო ქულა აქვთ მიღებული, ყოველთვიური დახმარების მოცულობა დამოკიდებულია ოჯახის წევრების რაოდენობაზე. ნახევარი წლის განმავლობაში ამ დახმარებას 190 ათასი ადამიანი მიიღებს. თანხის ჩარიცხვა 20 მაისიდან დაიწყება. 

ოჯახის წევრების რაოდენობა დახმარების მოცულობა
1 70 ლარი
2 90 ლარი
3 105 ლარი
4 140 ლარი
5 175 ლარი
6 210 ლარი
7 245 ლარი
8 280 ლარი
9 315 ლარი
10  385 ლარი

100 ათასამდე სარეიტინგო ქულის მქონე სამ და მეტშვილიანი ოჯახები კი ნახევარი წლის განმავლობაში ყოველთვიურად 100 ლარის ოდენობის დახმარებას მიიღებენ – სულ 130 ათასი ოჯახი.

შეზღუდული შესაძლებლობების მქონე პირები ნახევარი წლის განმავლობაში პენსიასთან ერთად დამატებით 100 ლარს მიიღებენ – დაახლოებით 40 ათასი ადამიანი.

ყველა ამ კატეგორიის ადამიანებს არ სჭირდებათ დოკუმენტების წარმოდგენა, ისინი ბაზაში ავტომატურად მოხვდებიან.

29 აპრილისთვის ლარის კურსი  - 3,2014 GEL/$1.

ყველა ახალი ამბავი
0