02:39 04 ივნისი 2020
პირდაპირი ეთერი
  • EUR3.4087
  • 100 RUB4.4290
  • USD3.0416
საზოგადოება
მოკლე ბმულის მიღება
კორონავირუსმა საქართველომდეც მოაღწია: ბოლო ცნობები (849)
97 0 0

მგზავრებს ბათუმის აეროპორტში თერმოსკრინინგი ჩაუტარდათ, ყველა მათგანი საკარანტინო ზონაშია გადაყვანილი.

თბილისი, 5 აპრილი - Sputnik. დიდი ბრიტანეთიდან სამშობლოში გვიან ღამით 180 საქართველოს მოქალაქე დაბრუნდა, იუწყება საზოგადოებრივი მაუწყებლის პირველი არხი.

ლონდონი-ბათუმის ჩარტერული რეისი ავიაკომპანია Georgian Airways-მა შეასრულა.

ბათუმის საერთაშორისო აეროპორტში მგზავრებს მედიკოსები სპეციალური აღჭურვილობით დახვდნენ და თერმოსკრინინგი ჩაუტარეს.

ყველა მგზავრი საკარანტინე სივრცეშია გადაყვანილი, სადაც 14 დღის განმავლობაში დარჩებიან.

საქართველოსა და სხვა ქვეყნებს შორის ავიამიმოსვლა 21 მარტიდან პრაქტიკულად მთლიანად შეწყდა. ფრენებს ახორციელებს კომპანია Georgian Airways, რომელსაც საქართველოს მოქალაქეები უცხოეთის ქვეყნებიდან ჩამოჰყავს.

საქართველოში ჩამოსული ყველა მგზავრი 14 დღიან სავალდებულო კარანტინს გადის. კარანტინის რეჟიმში ამჟამად 5067 მოქალაქე იმყოფება.

როგორ დაბრუნდებიან სამშობლოში რუსეთის მოქალაქეები - ყველა ავიარეისი შეჩერებულია >>

საქართველოს მთავრობამ 31 მარტიდან ქვეყანაში საყოველთაო კარანტინის რეჟიმი დააწესა. ასევე ამოქმედდა კომენდანტის საათი 21:00-დან 06:00 საათამდე. 21 მარტიდან საქართველოში მოქმედებს საგანგებო მდგომარეობა.

ამ დროისთვის საქართველოში კორონავირუსის 162 დადასტურებული შემთხვევაა. მათ შორის გამოჯანმრთელდა - 36,  გარდაიცვალა ერთი ადამიანი. სტაციონარში მეთვალყურეობის ქვეშ 330 ადამიანი იმყოფება.

თემები:
კორონავირუსმა საქართველომდეც მოაღწია: ბოლო ცნობები (849)

მთავარი თემები