საქართველოში კორონავირუსით ინფიცირებული კიდევ ერთი პაციენტი გამოჯანმრთელდა

© photo: Sputnik / Kirill Kalinnikov / გადასვლა მედიაბანკშიტესტი კორონავირუსზე
ტესტი კორონავირუსზე - Sputnik საქართველო
გამოწერა
ახალი კორონავირუსით ინფიცირებულის გამოჯანმრთელების შემთხვევა ამჯერად საჩხერის სამედიცინო ცენტრში დაფიქსირდა.

თბილისი, 26 მარტი – Sputnik. საჩხერის სამედიცინო ცენტრში კორონავირუსის დიაგნოზით მოთავსებული ერთი პაციენტი გამოჯანმრთელდა, იუწყება საზოგადოებრივი მაუწყებლის პირველი არხი.

რეანიმაციაში - Sputnik საქართველო
თბილისის ინფექციურ საავადმყოფოში კორონავირუსით ინფიცირებული 4 პაციენტის მდგომარეობა მძიმეა

კლინიკის სამედიცინო მენეჯერის, მაია ხელაძის  განუცხადებით, კლინიკაში ამ დიაგნოზით კიდევ  სამი პაციენტი რჩება და მათი მკურნალობა გრძელდება.

ამ დროისთვის საქართველოში კორონავირუსის დადასტურებული 79 შემთხვევაა, რომელთაგანაც 11 ადამიანი უკვე გამოჯანმრთელდა. კარანტინის რეჟიმში რჩება 4346 ადამიანი. ხოლო სტაციონარში მეთვალყურეობის ქვეშ  247 პაციენტია.

საქართველოს მთავრობამ 21 მარტს ერთი თვით ქვეყანაში საგანგებო მდგომარეობა შემოიღო, 23 მარტს კი მარნეულისა და ბოლნისის მუნიციპალიტეტები საკარანტინო ზონად გამოაცხადა.

ყველა ახალი ამბავი
0