თბილისი, 11 მარტი — Sputnik. ჯანდაცვის მსოფლიო ორგანიზაციის რეკომენდაციების შესაბამისად, საქართველოში 1800-ზე მეტ საჯარო და 150 კერძო სკოლას სრული დეზინფექცია ჩაუტარდა. ზომები კორონავირუსის გავრცელების აღკვეთას ითვალისწინებს, იუწყება საქართველოს განათლების, მეცნიერების, კულტურისა და სპორტის სამინისტრო.
მინისტრ მიხეილ ჩხენკელის განკარგულებით, სკოლებს გადაეცემა 5 ათასამდე სადეზინფექციო დისპენსერი და 80 ტონაზე მეტი სპეციალური სადეზინფექციო საშუალება. ყველა აუცილებელი საშუალება, პირველ რიგში, გადაეცემა იმ ზოგადსაგანმანათლებლო დაწესებულებებს, სადაც წყალმომარაგებისა და ჰიგიენის ნორმების დაცვის პრობლემაა.
2019/2020 სასწავლო წლის მონაცემებით, საქართველოში 2086 სახელმწიფო და 227 კერძო სკოლაა.
COVID 19: ვითარება უკიდურესად მძიმეა - იტალია ჩინეთს დახმარებას სთხოვს>>
ოფიციალური მონაცემებით, ამ დროისთვის საქართველოში კორონავირუსით 23 ადამიანია დაინფიცირებული.
