13:11 26 მაისი 2020
პირდაპირი ეთერი
  • EUR3.4801
  • 100 RUB4.4615
  • USD3.1916
საზოგადოება
მოკლე ბმულის მიღება
COVID-19-ის პანდემია მსოფლიოში (862)
90 0 0

ჩინეთის სახმელეთო ნაწილზე კორონავირუსის მსხვერპლთა რიცხვი 811-მდე გაიზარდა, გამოჯანმრთელდა და გაეწერა 2649 ადამიანი

თბილისი, 9 თებერვალი - Sputnik. საქართველოს სამი მოქალაქე, რომლებიც ჩინეთის ქალაქ ჰანჯოუდან ჩამოსვლას ფრენების აკრძალვის გამო ვერ ახერხებდნენ, თბილისში ცოტა ხნის წინ დაბრუნდა, იუწყება საზოგადოებრივი მაუწყებლის პირველი არხი.

საქართველოს მოქალაქეების ტრანსპორტირება, ეკონომიკისა და მდგრადი განვითარების მინისტრის დავალებით, „საქართველოს აეროპორტების გაერთიანებამ“ უზრუნველყო.

საქართველოს აეროპორტების გაერთიანების ცნობით, ლუკა ბუხრაშვილი, ნინო ვაშალომიძე და ანი ტატიშვილი პეკინიდან თბილისში „ფლაი დუბაის“ (Fly Dubai) რეისით ჩამოფრინდნენ. მათ ჩინეთი ადგილობრივი დროით 23:50 საათზე დუბაის გავლით დატოვეს.

ჩინეთიდან ჩამოსულ საქართველოს მოქალაქეებს თბილისის საერთაშორისო აეროპორტში სპეციალური შემოწმება უტარდებათ.

საქართველოში კორონავირუსის შესაძლო გავრცელების პრევენციული ღონისძიებების ფარგლებში, 29 იანვარს ჩინეთთან პირდაპირი საჰაერო მიმოსვლა დროებით შეწყდა.

ჩინეთის ხელისუფლებამ 2019 წლის 31 დეკემბერს ჯანდაცვის მსოფლიო ორგანიზაციას ქალაქ უჰანში დაუდგენელი ტიპის პნევმონიის აფეთქების შესახებ აცნობა. სპეციალისტებმა დაადგინეს, რომ საქმე აქვთ კორონავირუსთან 2019-nCoV. ჯანმომ აღნიშნული დაავადების აფეთქება საერთაშორისო მნიშვნელობის მქონე საგანგებო სიტუაციად შეაფასა.

 

თემები:
COVID-19-ის პანდემია მსოფლიოში (862)

მთავარი თემები