21:24 22 იანვარი 2020
პირდაპირი ეთერი
  • EUR3.2077
  • 100 RUB4.6777
  • USD2.8877
საზოგადოება
მოკლე ბმულის მიღება
ქართული კულტურული მემკვიდრეობის ძეგლები (50)
102 0 0

პროექტი მსოფლიო ბანკის დაფინანსებით განხორციელდა და მისი ღირებულება 1,4 მლნ ლარია. სარეაბილიტაციო სამუშაოები „მუნიციპალური განვითარების ფონდმა“ განახორციელა.

თბილისი, 15 იანვარი — Sputnik. ტყიბულის მუნიციპალიტეტში, მოწამეთას მონასტერთან კულტურული მემკვიდრეობის და ტურისტული ზონების კეთილმოწყობის სამუშაოები დასრულდა, ნათქვამია საქართველოს რეგიონული განვითარებისა და ინფრასტრუქტურის სამინისტროს განცხადებაში. 

პროექტის მიზანი იმერეთის რეგიონში ტურიზმის განვითარებისთვის ხელსაყრელი პირობების შექმნაა.

პროექტის ფარგლებში ჩატარდა გალავნის კედლების გამაგრებითი სამუშაოები, ვიზიტორთა ცენტრის, ავტოსადგომის, საკომუნიკაციო სისტემის და საპირფარეშოების მშენებლობა–რეაბილიტაცია.  

პროექტი მსოფლიო ბანკის დაფინანსებით განხორციელდა და მისი ღირებულება 1,4 მლნ ლარია. სარეაბილიტაციო სამუშაოები „მუნიციპალური განვითარების ფონდმა“ განახორციელა.

მოწამეთას მონასტერი გელათის მონასტერთან ახლოს მდებარეობს, მათ კანიონი და მთა ჰყოფს.

ძველი წყაროების თანახმად, აქ VIII საუკუნის დასაწყისში მდებარეობდა ხარების ეკლესია, რომელიც 735-737 წლებში მურვან ყრუს მეთაურობით შემოსეულმა არაბთა ლაშქარმა დაწვა. შემოსევას წინ აღუდგნენ არგვეთის მთავრები დავითი და კონსტანტინე, მაგრამ დამარცხდნენ და ტყვედ ჩავარდნენ. მურვან ყრუს მათი მოქცევა სურდა, მაგრამ დავითმა და კონსტანტინემ ამაზე მტკიცე უარი თქვეს. ისინი ცხრა დღის განმავლობაში აწამეს, შემდეგ კი რიონში დაახრჩვეს. 

მოწამეთა
მოწამეთა

გადმოცემით, როდესაც ნაპირზე მათი ცხედრები იპოვეს, ადამიანებს მოესმათ უფლის ხმა, რომელმაც აღმოსავლეთისკენ მათი მიტანა უბრძანა იმ ადგილამდე, სადაც მზის ამოსვლას იხილავდნენ. ეს ადგილი აღმოჩნდა დამწვარი ეკლესიის ნანგრევები. სწორედ იქ დაკრძალეს დავითი და კონსტანტინე. XI საუკუნის დასაწყისში ამ ადგილზე ბაგრატ მესამემ დიდი უგუმბათო ტაძარი ააგო და მოწამეთას მონასტერი დააარსა.

უნიკალური ციხე-სოფელი მუცო შესაძლოა „ევროპა ნოსტრას" მთავარი ჯილდოს მფლობელი გახდეს >>

მონასტრის ტერიტორიაზე მდებარეობს რამდენიმე ნაგებობა – მოწამე დავითისა და კონსტანტინეს ტაძარი, 1845 წელს აგებული სამრეკლო და ქვის გალავანი კოშკით. მოწამეთობის დღესასწაული 15 ოქტომბერს აღინიშნება.

 

თემები:
ქართული კულტურული მემკვიდრეობის ძეგლები (50)

მთავარი თემები