00:30 19 იანვარი 2020
პირდაპირი ეთერი
  • EUR3.2002
  • 100 RUB4.6888
  • USD2.8781
საზოგადოება
მოკლე ბმულის მიღება
სელებრითების ცხოვრება (1146)
2013511

მას შემდეგ, რაც შეყვარებულმა წყვილმა მდიდრული დასვენება ავსტრიაში მოიწყო, სოციალურ ქსელში ქეთა თოფურიამ ახალი ვიდეო გამოაქვეყნა, სადაც ჩანს, რომ ის ლევ დენგოვთან ერთად მორიგ მდიდრულ კურორტს სტუმრობს.

ქეთა თოფურიას პირადი ცხოვრება მუდმივად ხვდება ქართული და რუსული პრესის ყურადღების ცენტრში. მას შემდეგ, რაც ტაბლოიდებმა გაარკვიეს, რომ ქეთა თოფურიას ახალი რჩეული დიპლომატი ლევ დენგოვია, ქეთამ გადაცემაში თქვა, რომ ახლანდელი რჩეული მინსკში გაიცნო. „მისი დაბადების დღე იყო, რადგან ჩვენი პროდიუსერის ბაიგალის ნაცნობია, გადაწყვიტა და მის დაბადების დღეზე დაგვპატიჟა. როდესაც მინსკიდან დავბრუნდით, ტელეფონით დამიკავშირდა და თითქმის 24 საათი ასე ვეკონტაქტებოდით ერთმანეთს. არც მას ეძინა და არც მე. შემდეგ მოსკოვში ჩამოვიდა, შევხვდით და აქედან დაიწყო ყველაფერი, ეს არის ერთი ნახვით შეყვარება“, – განაცხადა მომღერალმა ინტერვიუში.

როგორც ქეთამ აღნიშნა, მან უკვე გაიცნო დენგოვის ოჯახის წევრები და მას მისი ქალიშვილი ოლივიაც გააცნო. ბუნებრივია, მომღერალმა თავი ვერ აარიდა გუფთან დაშორების შესახებ დასმულ კითხვას: „მინდა რომ ბედნიერი იყოს. ის არასტაბილური ადამიანია, მისი სხვადასხვა ქმედებები მიუღებელი იყო ჩემთვის, ამიტომ გულწრფელად ვუთხარი, რომ დაშორება მინდოდა მასთან და დავშორდი“.

რამდენიმე დღის წინ მომღერალთან ურთიერთობებზე პირველად საჯაროდ ისაუბრა მისმა რჩეულმა, დიპლომატმა ლევ დენგოვმა, რომელიც ლიბიაში დარეგულირების საკითხებში რუსული საკონტაქტო ჯგუფის ხელმძღვანელია. როგორც აღმოჩნდა, წყვილი უკვე რამდენიმე თვეა ერთად ცხოვრობს. „მე და ქეთი ერთად ვცხოვრობთ, ეს მოხდა დაახლოებით ორი თვის წინ, ჯანმრთელად და ბედნიერად ვართ“, – უამბო დენგოვმა РИА Новости-ს. მედიაში გავრცელებულ ინფორმაციაზე ქეთის შესაძლო ორსულობასთან დაკავშირებით მან ასეთი კომენტარი გააკეთა: „სხვა დეტალებზე ჯერჯერობით საუბარი არ მინდა პირადი თუ ეთიკური ხასიათის მოსაზრებების გამო. თუ სიახლეები გვექნება, აუცილებლად გაცნობებთ“.

ახლა კი, როგორც ჩანს, წყვილი რომანტიკულ არდადეგებს საფრანგეთის ალპებში ატარებს. ქეთამ Instagram-ზე „სთორი“ გამოაქვეყნა, სადაც დენგოვის სახე ჩანს.

2017 წლის იანვრიდან რუსული და ქართული პრესა აქტიურად განიხილავდა ქეთა თოფურიას და რეპერ გუფის სავარაუდო რომანს. ხმაური მას შემდეგ დაიწყო, რაც წყვილი ტაილანდში, კუნძულ სამუიზე ერთად ისვენებდა. ჯგუფ A'Studio-ს სოლისტისა და რეპერი გუფის დასრულებული რომანი რამდენიმე თვე იყო საზოგადოების განხილვის საგანი. წყვი­ლის და­შო­რე­ბის მი­ზე­ზი ღა­ლა­ტია – რე­პერს 18 წლის ეკა­ტე­რინ­ბურ­გელ გო­გო­ნას­თან ია­ნას­თან ჰქონ­და ურ­თი­ერ­თო­ბა. გუფი ცდი­ლობ­და რო­მა­ნის შე­სა­ხებ ქე­თას არა­ფე­რი შე­ე­ტყო, თუმ­ცა ია­ნამ მო­ი­სურ­ვა, მათი ურ­თი­ერ­თო­ბა ყვე­ლას­თვის ცნო­ბი­ლი გამ­ხდა­რი­ყო და რე­პე­რის და­შან­ტა­ჟე­ბა და­ი­წყო. გუფ­მა ია­ნას­თან ურ­თი­ერ­თო­ბა გა­წყვი­ტა, თუმ­ცა ამ ამ­ბის შე­სა­ხებ ყვე­ლამ შე­ი­ტყო.

თემები:
სელებრითების ცხოვრება (1146)

მთავარი თემები