07:55 19 ნოემბერი 2019
პირდაპირი ეთერი
  • EUR3.2888
  • 100 RUB4.6555
  • USD2.9736
გაზგაყვანილობა

საგანგაშო სტატისტიკა: ივნისში 2,4 ათასზე მეტი გაზდანადგარი ჩაჭრეს

© Sputnik / Alexander Imedashvili
საზოგადოება
მოკლე ბმულის მიღება
თბილისი დღეს (1374)
71 0 0

უსაფრთხოების წესების დარღვევით დამონტაჟებული მოწყობილობები საფრთხეს ბინის პარტონების გარდა მეზობლებსაც უქმნის.

თბილისი, 23 ივლისი — Sputnik. გაზგამანაწილებელი კომპანია „ყაზტრანსგაზ-თბილისის" სპეციალისტებმა მიმდინარე წლის ივნისში ქსელიდან 2,4 ათასზე მეტი სიცოცხლისთვის სახიფათო და კუსტარულად დამონტაჟებული გაზდანადგარი ჩაჭრეს, აღნიშნულია კომპანიის მიერ გავრცელებულ განცხადებაში.

„ყაზტრანსგაზ-თბილისი" უსაფრთხოების კამპანიის ფარგლებში აგრძელებს მოსახლეობის გაფრთხილებას და კუსტარულად დამონტაჟებული გაზდანადგარების შემოწმებას. როგორც კომპანიაში აცხადებენ, აღნიშნული კამპანიის ფარგლებში ინტენსიური მუშაობის შედეგია ის, რომ ივნისის თვეში გაზით მოწამვლის ან გარდაცვალების არც ერთი ფაქტი არ დაფიქსირებულა.

კომპანიის ინფორმაციით, ბინის მეპატრონეთა დიდი ნაწილი, სადაც გაზის დანადგარები ქსელიდან ჩაიხსნა, ერთხელ უკვე იყო გაფრთხილებული და ინფორმირებული მოსალოდნელ საფრთხეებზე, თუმცა განმეორებითი შემოწმების დროს სპეციალისტებს ბინებში კვლავ დახვდათ გაზის ქსელზე თვითნებურად მიერთებული გამათბობლები და წყალგამაცხელებლები.

„კომპანია კიდევ ერთხელ გაფრთხილებთ – კუსტარულად და თვითნებურად მიერთებული, გასაკუთრებით კი ღიაკამერიანი გაზის დანადგარები საშიშია როგორც თქვენი ოჯახის წევრებისთვის, ასევე თქვენ მეზობლად მცხოვრები სხვა ადამიანებისთვისაც", – აღნიშნულია განცხადებაში.

სტატისტიკის თანახმად, უსაფრთხოების ზომები ყველაზე მეტად სამგორის რაიონში დაირღვა.

 რაიონი დარღვევების რაოდენობა
სამგორი  655
სანზონა 299
გლდანი 272
ისანი-ვაზისუბანი  266
საბურთალო  158
ჩუღურეთი  151
ნაძალადევი 150
კრწანისი  137
ნუცუბიძე 113
დიდუბე  112
დიღომი  87
წყნეთი 38
მთაწმინდა  33
ვაკე 24

 

მიმდინარე წლის დასაწყისში ბუნებრივი აირის გაჟონვის თემა საქართველოში საკმაოდ მტკივნეული გახდა. იანვარში თბილისში, დიდ დიღომში ერთ-ერთ მრავალსართულიან კორპუსში მომხდარი აფეთქების შედეგად ოთხი ადამიანი გარდაიცვალა, მათ შორის, ოთხი წლის ბავშვი. ასევე იანვრის ბოლოს ისანში CO-ს დაგროვების შედეგად შვიდი ადამიანი გარდაიცვალა, თებერვლის ბოლოს კი ბუნებრივი აირის ნამწვის დაგროვების შედეგად ორი ახალგაზრდა დაიღუპა. ბუნებრივი აირით ინტოქსიკაციის შემთხვევები საქართველოს სხვადასხვა ქალაქში დაფიქსირდა.

 

თემები:
თბილისი დღეს (1374)

მთავარი თემები