15:31 22 ნოემბერი 2019
პირდაპირი ეთერი
  • EUR3.3000
  • 100 RUB4.6712
  • USD2.9781
ლურჯი ავტობუსები

თბილისის აეროპორტისკენ მიმავალი გზა სამი თვით იკეტება: იცვლება ტრანსპორტის მოძრაობის სქემა

© photo: Tbilisi City Hall / FB
საზოგადოება
მოკლე ბმულის მიღება
თბილისი დღეს (1387)
1260 0 0

საგზაო სამუშაოების გამო თბილისის მერია განცხადებას ავრცელებს.

თბილისი, 19 ივლისი — Sputnik. კახეთის გზატკეცილზე კაჩინსკის ქუჩიდან შერვაშიძის ქუჩამდე გზის მონაკვეთის რეაბილიტაციის გამო 20 ივლისიდან ავტობუსების განრიგი იცვლება, აღნიშნულია თბილისის მერიის მიერ გავრცელებულ განცხადებაში.

თბილისის მერიის ინფორმაციით, კახეთის გზატკეცილზე, ლეხ კაჩინსკის ქუჩიდან შერვაშიძის ქუჩამდე გზის მონაკვეთზე სარეკონსტრუქციო სამუშაოები განხორციელდება, რის გამოც დღეს, ღამის 03:00 საათიდან 4 ნოემბრამდე კახეთის გზატკეცილიდან ქალაქის ცენტრისკენ და უკუმიმართულებით ტრანსპორტის მოძრაობის სქემები შეიცვლება.

რეაბილიტაციის პირველ ეტაპზე სამუშაოები იწარმოებს ქალაქის გასასვლელიდან ცენტრისკენ მოძრაობის ზოლზე. ამიტომ ტრანსპორტი შერვაშიძის ქუჩის გადაკვეთიდან კაჩინსკის ქუჩისკენ საპირისპირო ზოლის გამოყენებით იმოძრავებს. რეაბილიტაციის პერიოდში გაცალმხრივდება მოძრაობა ბუშის ქუჩიდან კაჩინსკის ქუჩის მიმართულებით და კახეთის გზატკეცილიდან ჩაჩავას ქუჩის მიმართულებით.

საბურთალოს ერთ-ერთ ქუჩაზე ტრანსპორტის მოძრაობა აიკრძალა >>>

ზემოხსენებული დროებითი სქემით, კახეთის გზატკეცილი ქეთევან დედოფლის გამზირს კაჩინსკის ქუჩის მეშვეობით დაუკავშირდება, ხოლო ქეთევან დედოფლის გამზირიდან კახეთის გზატკეცილზე მოხვედრა შესაძლებელი იქნება მეტროს სადგურ „ისნიდან“ და შემდეგ ჩაჩავას ქუჩის გავლით. კაჩინსკის ქუჩაზე შესაძლებელი იქნება მოძრაობა ჯორჯ ბუშის ქუჩიდან ქეთევან დედოფლის გამზირისკენ. ქეთევან დედოფლის გამზირის გადამკვეთ გზაჯვარედინზე მოძრაობა დაშვებული იქნება როგორც პირდაპირ – ბოჭორმის ქუჩის მიმართულებით, ასევე მარჯვნივ და მარცხნივაც ქეთევან დედოფლის გამზირზე. ხოლო ქეთევან დედოფლის გამზირიდან კაჩინსკის ქუჩაზე ბუშის ქუჩის მიმართულებით ახვევა შეიზღუდება.

კაჩინსკის ქუჩიდან აწყურის ქუჩაზე შესაძლებელი იქნება შეხვევა მარცხნივ – ჩაჩავას ქუჩისკენ.

ბუშის ქუჩიდან კაჩინსკის ქუჩის გავლით ზურაბაშვილის ქუჩაზე მარჯვნივ შეხვევა კვლავინდებურად დაშვებული იქნება. ანალოგიურად ზურაბაშვილის ქუჩიდან ტრანსპორტი იმოძრავებს მხოლოდ მარჯვნივ – ქეთევან დედოფლის გამზირისკენ. ამდენად, ზურაბაშვილის ქუჩიდან კახეთის გზატკეცილზე მოხვედრა შესაძლებელი იქნება ან ქეთევან დედოფლის გამზირისა და ჩაჩავას ქუჩის, ან აწყურისა და ჩაჩავას ქუჩების გავლით. კაჩინსკიდან დოესის, შორაპნისა და შირაქის ქუჩებზე შეხვევა შეიზღუდება. ამდენად, კაჩინსკის ქუჩიდან ზემოხსენებულ ქუჩებზე მოხვედრა შესაძლებელი იქნება ქეთევან დედოფლის გამზირის გავლით.
ჩაჩავას ქუჩაზე მოძრაობა დაშვებული იქნება მეტროს სადგურ „ისნიდან“ კახეთის გზატკეცილისკენ, საიდანაც ტრანსპორტს შეუძლია მოუხვიოს როგორც მარცხნივ – ჯორჯ ბუშის ქუჩისკენ, ასევე მარჯვნივ – ქალაქის გასასვლელის მიმართულებით.

ანალოგიურად შეიცვლება საზოგადოებრივი ტრანსპორტის მარშრუტებიც: ავტობუსები N37, N43 და N71 და ასევე მიკროავტობუსები კახეთის გზატკეცილიდან ქეთევან დედოფლის გამზირისკენ იმოძრავებენ კაჩინსკის ქუჩის, ხოლო უკუმიმართულებით – მეტროს სადგურ „ისნისა“ და ჩაჩავას ქუჩის გავლით.

თემები:
თბილისი დღეს (1387)

მთავარი თემები