დიზაინერი და მოდელი სალომე ღვინიაშვილი ამბობს, რომ მიუხედავად იმისა, მშობლებთან კარგი ურთიერთობა ჰქონდა, იყო რაღაცები, რასაც უკრძალავდნენ.
როგორც დიზაინერმა გადაცემა „სთორიში“ განაცხადა, ერთ-ერთი აკრძალვა მის პირველ მეუღლესთან შეხვედრებს უკავშირდებოდა.
დიზაინერი თვლის, რომ შესაძლოა სწორედ ეს აკრძალვა გახდა იმის მიზეზი, რომ პირველი ქორწინების გადაწყვეტილება ნაადრევ ასაკში მიიღო.
„მიკრძალავდნენ მასთან ურთიერთობას. ჩუმად ვხვდებოდი. ჩემ შვილებსაც ჩემი თავიდან გამომდინარე ვექცევი. როგორც მექცეოდნენ 16-17 წლის ასაკში, ისე არ ვექცევი“, – ამბობს დიზაინერი.
სალომე ღვინიაშვილის ამჟამინდელი ქმარი ფეხბურთელი ზურა ხიზანიშვილია. ის პირველად 16 წლის ასაკში გათხოვდა. მისი პირველი ქმარი ტატო აბულაძეა, რომელსაც მოდელი სამი წლის თანაცხოვრების შემდეგ დაშორდა. მას პირველი ქორწინებიდან ჰყავს ვაჟი დათუნა აბულაძე.